omnibus sensus instrumentis explicabit. Quantum uero impietatis imperitis, et non adeo adhuc in sanctissima nostra fide obfirmatis animis, eiusmodi uentriculorum cerebri usuum (quod ad principis animæ uires spectat) descriptio conciliare possit, hi (etiam si ipse sileam) perpendunt, qui quadrupedum (quibus omnem rationis uim, ac præcipue animam rationalem ex theologorum præcipue placitis adimimus) cerebra, hominum cerebris quam proxime omni ex parte accedere didicerunt.Brutorum cerebri constructionem ab hominis non differere. Quandoquidem ouis, capræ, bouis, felis, simiæ, canis, et quas secui auium cerebri cum humano cerebro in partium conformatione, ac potissimum in uentriculis, uix ulla prorsus occurrit differentia, nisi quod mole cerebra pro animalium qua donata uident ratione, certo uariare cognoscimus. Homini nanque cerebrum obtigit maximum, mox simiæ, cani, ac eadem serie deinceps, prout animal quoduis ad rationis uim uicinius accedere quibusdam argumentis colligimus. Neque cerebrum homini tantum pro corporis ipsius portione grandius obtigit, imo id omnium animalium cerebris maius uisitur. Hominis nanque cerebrum uel duobus equorum, boum, aut asinorum cerebris grandius apparet. Sed hæc omnia, ut et uentriculorum fabrica, ex sequentibus euadent perspectissima.
DVRA cerebri membrana in multis occurrit figuris. in prima enim externa ipsius proponitur sedes uniuersa, quæ supra scissuram consistit, qua cerebrum ostensuri, caluariam diuidere solemus. Secunda uero eam membranæ partem interna commonstrat sede, uti etiam nona, duodecima, decima tertia, internam sedem proponunt, qua caluariæ regionem succingit infra dictam nuper scissuram, consistentem. Cæterum processuum ipsius inter dextram et sinistram cerebri partes deductum, refert tertia figura ad D, D. Illum autem qui cerebello insternitur, septima figura O, O, O. Atque in illis etiam figuris duræ membranæ occurrunt sinus, uti optime figura capitis decimiquarti libri tertij. Porro membranam caluariæ exterius obductam nullibi priuatim delineauimus, quum tenuis sit, ac ossi undique circundetur, atque ex ossis circumscriptione petenda ueniat.
QVEMADMODVM sane uniuersam cauitatem qua nutritionis organa continentur,a succingi recensuimus, atque id instar sacci cuiusdam omnia illi imposita amplecti, et pariter quoque costas succingentem tunicam omnia quæ in thorace collocantur, ambire commemorauimus, ita etiam uniuersa caluariæb cauitas cerebro excipiendo adaptata, quadam subduciturc membrana, quam propter crassitiem qua cæteris non cerebri modo, uerum totius corporis præstat membranis, crassam, et ab insigni duritie duram, ut et cuticularem, nuncupamus.Duræ membranæ situs, ac numerus, magnitudo, forma. Hæc non minus quam peritonæum et costas succingens membrana unica continuaque omnino uisitur, præterquam quod quibusdamd foraminibus et sinibus uenarum modo extructis sit peruia. Vnde etiam ilico præsentis membranæ situm, et quod ad ipsius externam superficiem attinet formam, magnitudinemque, etiamsi aliud nihil sermoni addidero, ossium cognitio edocet. Quandoquidem nullum caluariæ os priuati alicuius usus gratia, in caluariæ amplitudinem extuberat, cui hæc membrana non cedat, seque ab illo introrsum premi sinat. Rursus nullus in ea cauitate consistit sinus, quem hæc quoque membrana non impleat. atque (ut semel dicam) omni ex parte ossibus proxima nectit, alijs locis remissius, alijs uehementius, uti paulo post audies, connata. Atque hinc etiam fit, externam durioris membranæ superficiem propter ossium sinus, tuberaque inæqualem, et deinde fibrarum quibus hæc ossibus committitur occasione, asperam, aut non adamussim læuem lubricamque uideri. Ac præcipua ossium tubera, quæ eam orbicularem sphæræque modo rotundam esse prohibent, in capitis potissimum basi conspiciunt. et horum quidem primum censeri poteste osseum septum olfactus organorum sedem interdiuidens : dein ea caluariæf extuberantia, quæ ut oculis in caluariag sedes commoda exsculperetur, in capitis amplitudinem iuxta illius basis anteriora ac septi illius latera extuberat. Præterea inæqualitas illa, quæ propter ossis cuneiformis crassitiem in qua ipsi propriæ consistunth cauernæ parandam, eti aptamk glandulæ cerebri pituitam excipientis sedem insculpendam, in medio fere amplitudinis caluariæ cernit. Deinceps alia duo insignia quoque tubera in hanc amplitudinem ideo prominent, ut idoneam auditusm organi sedem Natura fingeret. Postremo ea quoquen eminentia iam dictis accedit, quæ in occipitij osse a posteriori parte foraminis spinalem medullam transmittentis recta sursum ad medium interualli porrigit, quod inter id foramen et suturæ Græcorum Λ imaginem exprimentis eminentiorem sedem consistit. Atque hæc capitis ossium tuberaque minus dura membrana in ipsius basi instar oblongæ sphæræ utrinque ad anteriora leuiter depressæ appareat, in causa præcipue censent. Alia ueroo tubercula, quæ propria duræ membranæ uasa uenarum ac arteriarum fere materiam continentia in exteriori ipsius superficie efformant, non adeo illius orbiculatim formam intertur-
624