modas oculorum sedes et foramina narium confingenda. Deinde cerebrum opplet duos grandes in caluariæ cauitate sinus, qui ad ossis cuneum referentiso sinus latera spectantur, quo glans cerebri pituitam excipiens sustinetur. Vnde etiam cerebrum ossis quo continetur formam glebæ ritu sibi uendicans, utrinque in ipsius basi instar medij globi prominens tuber constituit. In horum tuberum medio cerebrum impressum cernitur, cuneiformis ossis processuum occasione hic circum sinus latera productorum, quo nuper commemorata glans sustinetur. Quinetiam simili prorsus modo basis cerebri reliqua ipsius sede pro ossium tuberibus auditus organa continentibus, et cerebelli superiori regione suam figuram effingit, omnibus sinibus sese inserens, et amice admodum tubera admittens. Atque hinc etiam in lateribus et anteriori et posteriori et superiori sede cerebrum caluariæ cauitatis effigiem exprimit. His enim sedibus cerebrum instar oblongæ sphæræ utrobique uersus anteriora propter temporum cauitatem depressæ, rotundum, et in posteriori parte multo quam in anteriori latius uisitur, quasi cerebrum ipsum et cerebellum nullam peculiarem formam exigerent, ac abunde ipsis esset, si propria illorum substantia magna mole, et simul utcunque quo in se sinus cerebri cerebellique functionibus aptos habere posset, collecta in capite reponeretur. Eiusmodi siquidem quid caluariæ basis sinus tuberaque ostendunt, et impressiones in temporibusp temporalium musculorum gratia conspicuæ.Sectio dextram nobis uocatam cerebri partem a sinistra dirimens, et cerebri anfractus. Caluariæ itaque cauitas externæ cerebri superficiei imaginem commonstrat, ad quam etq sectio cerebrum diuidens, et innumeri quidamr gyriæ circumactus referuntur. Vniuersa namque cerebri sedes illa sectione diuisa, atque ut bisulcorum pedes in duos quasi ungues illius beneficio disiuncta, extimæ cerebri superficiei magna pars existit. Attamen dictam cerebri formam parum interturbat, quum dextra cerebri pars sinistræ accumbat : neque recta illa linea diuisæ cerebri partes inuicem magis dehiscant, quam quanta duræ cerebri membranæ, et tenuis duplicatæ est crassities. In homine etenim secus atque in oue uniuersam sectionem interdiuidit duræ membranæd portio, processus’ue, duas cerebri partes septi ritu interstinguens. Dein seorsum utramque cerebri partem tenuis membrana ambit, et implicat. Cæterum gyri ac reuolutiones cerebri, quase tenuium intestinorum anfractibus elegantissime Erasistratus assimilauit, per uniuersam cerebri superficiem undique eadem frequentia habentur. Sunt uero sinus permulti penitus in cerebri substantiam penetrantes, et profecto imagine intestinorum tenuium reuolutionibus simillimi. Neque opinor illos alicui aptius quam his, aut etiam nubibus quos rudes pictorum discipuli, aut in scholis pueri delineare solent, conferri posse : quanquam in similitudine indaganda non admodum sit laborandum, quandoquidem hominis cerebrum hac ex parte nihil peculiare adipiscitur, et hos in cerebri substantia apparentes circumactus asinis, equis, bobus, et alijs quæ hactenus uidi animantibus communes homo obtinet. Nisi forsitan aliquis hinc differentiam assumere statuisset, quod tanto profundiores homini illos gyros Natura insinuauerit, quanto ipsius cerebri substantia copiosior uisitur. Horum itaque inflexuum effigiem cuiusuis animalis cerebrum uel in prandio aut coena spectans, discas licet.Cerebri anfractuum usus. Porro in illorum usu recensendo non medici modo, uerum et philosophi plurimum se excruciant, contendentes, num ipsorum beneficio homines intelligant, an uero minime :Lib. 8 De usu partium. quemadmodum Galenus contra Erasistrati placitum pugnans, in hunc modum censuit. "Quum asini etiam admodum multipliciter cerebrum habeant complexum, quos deceret, quantum ad morum ruditatem attinet, omnifariam simplex, et minime uarium nancisci cerebrum. Melius autem arbitraretur bonam substantiæ temperiem corporis intelligentis (quodcunque hoc fuerit) prudentiam sequi, et non uarietatem compositionis. Neque etiam multitudini spiritus animalis oportet, ut puto, magis quam qualitati perfectionem intellectus acceptam referre". Atque hic Galenus sibi dum maxime illius operam requirimus similis, orationem uelut freno cohibens, alio quum reuolutionum usum exprimere debuisset, reflectit : satis esse arbitratus, si non intelligentiæ præesse has reuolutiones indicauerit. quod sane non inficiamur, sed interim eas magnum Conditoris artificium ostendere, et non ob aliud quam ad cerebri substantiæ enutritionem eas procreatas esse, a Galeno additum oportuit. Cerebri nanque substantia citra omnem membranosarum fibrarum plexum continua, neutiquam adeo firma fuerat, ut per illam arteriæ uenæque, ut in reliquis corporis partibus, digeri possent : et tam multa crassaque est, ut uenæ et arteriæ in superficie tantum exporrectæ ipsi nutriendæ, illiusque insito calore resocillando sufficerent, quum penitiores cerebri partes si ad illum modum uasa protenderentur, illorum materia carerent. Quod præuidens Natura, sinuosos illos implexus passim cerebri substantiæ impressit, ut in hisf tenuis membrana frequentibus uasis oppleta sese insinuaret, cerebri substantiæ alimentum appositissime ita subministratura. Atque huius etiam nutrimenti potissimum occasione cerebrum ing duas partes dissectum fuit, ut scilicet tenuis membrana sese in ipsius medium implicaret : ac inibi in reflexus deducta, cerebri substantiam enutriret.Cerebri sectionis ratio. Haud enim citra eiusmodi cerebri dissectionem, et profundissimas reuolutiones illa cerebri sedes qua dextra sinistram