Commentaires de la Faculté de médecine de Paris
BIU Santé, tome xiii, fo 446 vo.
redderet Facultati Mag. Ioannes Pietre,
Ex-Decanus, supplicavit Facultati Mag.
Franciscus Boujonier, ut sibi liceret
Physiologiæ professoris onus deponere
in Mag. Claudium Peraut, pro sequenti
hyeme. Obtuli quoque Facultati, et legi
libellum supplicem mihi ablatum à vidua defuncti
Collegæ nostri Mag. Francisci Robillard,
quo rogabat Ordinem Medicorum Parisiensium,
ut habita ratione suæ inopiæ, utque liberari
posset à lite quadam quâ eam fatigabat ac
divexabat Mag. Ioannes Bourgeois, Doctor
Medicus Paris. ejus cognatus, ex ærario nostræ
Facultatis ei concederemus summam sex-
centarum libellarum Turonensium. Egi quoq.
de cereis ad Magnates ferendis, die festo
Purificationis Beatæ Mariæ, utrum vellet
Facultas eos distribui more solito.
Super tribus illis articulis, saluberrima
Facultas gratam habuit supplicationem Mag.
Francisci Boujonier, ac electionem probavit
Magistri Claudij Peraut, Doctoris Medici,
viri sapientissimi et eruditissimi, in cujus
humeros Physiologiæ proxima hyeme
docendæ provinciam æquo animo transtulit.
Supplicationem viduæ Mag. Fr. Robillard,
remisit ad majora comitia, p<ro>pter ærarij
nostri tenuitatem et inopiam. Cereos
quoque decrevit distribuendos more solito,
