Commentaires de la Faculté de médecine de Paris
BIU Santé, tome xiii, f^o 524 v^o

    Ad secundum. Iussit Facultas ut Mag.
Daniel Arbinet adeat Magistrum Ioan.
Riolanum, Doctorem Medicum, et Antiquiorem
Scholæ Magistrum, ad quem ex Statutorum
lege pertinet jus conferendi primam lauream
doctoralem, (propter obitum Magistri Quintini
Tevenin, Collegæ nostri, et viri optimi, qui
nuper obijt Catalauni, nempe 3. Octobris,
1652. in quam urbem tanquam natale solum
secesserat à biennio, spe recuperandæ valetudinis :
et propter aliquot menses qui deerant ad inte-
grum decennium Magistri Petri Bourdelot,
aliorúmque sequentium Doctorum ; itaque
primum ipsum ordinem à culmine repetendum
esse decrevit Facultas :) à quo Mag. Io.
Riolano, tanquam futuro Præside, quæstiones
accipiat pro vesperijs et doctoratu, indéque
quamprimùm fiat Doctor.

    Ad tertium. Habita ratione Decreti
lati 24. Martij, 1643. in decanatu Mag.
Michaelis de la Vigne, in gratiam Illustrissimi
viri D<omi>ni des Roches, et Mag. Lanceloti de
Frades, Collegæ nostri qui Medicinam ei