Commentaires de la Faculté de médecine de Paris
BIU Santé, tome xiii, fo 449 ro.
derelictum à quibusdam Decanis, et p<ro>pter temporum
difficultatem quasi neglectum, denuo esse renovandum
et redintegrandum, ideóq. convocandos esse à Decano,
architectos, aliósq. viros ædificandi peritos, quibusdam
et alijs selectis ex Ordine nostro viris aliquot, ipsius rei
difficultas discuteretur : de qua postea Decanus ipse
alijs Comitijs referet ad Facultatem.
Eodem die decretum est pro prima vice non quidem
mulctandos, sed monendos esse Doctores de officio
Christianæ pietatis, singulis diebus Sabbathi, qui
præ nimia negligentia pium istud vadimonium
deserunt, eòq. officio pauperibus nomine religionis
debito, tam malè defunguntur. Denique,
œnopolæ, qui minores nostras ædes occupat,
aliquatenus esse satisfaciendum, postulanti ut
pluviæ lapsus arceatur à sua cella vinaria :
habendam quoq. ejusmodi ædium terti rationem,
cujus curam voluit esse penes Decanum. Atque
ita de singulis cum omnibus Doctoribus conclusit
Decanus Guido Patin.
Die Martis 2. Maji, 1651. convocata
Facultas pro mòre, decrevit, audita relatione
Decani, pro secunda vice, agendum esse de
instaurandis ædibus, et decretum ea de re latum
superiore hebdomada, confirmavit : injunxitque
Decano, invitandos esse ad primam convocationem
