Beverwijk a, page 152.

Johanni Beverovicio,
Patricio et Medico Dordrechtano,
Guido Patinus Bellovacus,
Doctor Medicus Parisiensis
S.P.D.

Vir Clarissime,

Iamdudum est ex quo me convenit ingenuus sane ac eruditus adolescens Dordrechtanus, qui cum humanissimo tuo nomine me salutavit, tum vero ea mihi de Te retulit quæ amorem erga Te meum haud difficulter accenderunt : neque prius destitit animus, quam illum per literas statim exhiberem, Teque rogarem, ut vicissim aliquam tuæ in me benevolentiæ testificationem depromeres : gestio etiam et Te deinceps affari, cujus nominis fama jamdudum ad me pervenerat, et Tibi penitus innotescere, cujus libros ad me delatos tanta cum alacritate animi semel ac iterum evolvi : illos sane in Musæo nostro