À Johannes Antonides Vander Linden, le 27 avril 1655, note s.
Transcription

Ms BIU Santé no 2007, fo 33 ro.

Clarissimo viro D.D. Vander Linden, Doctori Medico
et Professori in Academia Leidensi.

Ecce iterum ad Te scribo, vir sapientissime, ut gratitudinem meam
apud Te profitear : Tibique probem memoris animi officium, quo-
usque tecum aliter agam, et munera tua verè aurea meis aliquot
compensare aggrediar. Nostras ille Bibliopola, Gallus qui tuas mihi
reddidit, antehac, hactenus se brevi ad vos reversurum mihi pollicitus est ;
fasciculum quendam hîc habeo Theseωn et libellorum medicorum, quem
Tibi destino, et cujus ope spero in manus tuas deventurum. Typo-
graphus quidam Aurelianensis prælo nuper subjecit commentaria Fr. Valesij in Epid.
Hipp. antehac editos : quæ Tibi, si careas, offero : hîc inter Scholæ nostræ
Doctores viget acerrima controversia de stibio, an sit venenatum, necne : ex
Veteri Scholæ Medicinæ decreto ante annos 80. lato, et hactenus à singulis
religiosè servato, venenatum perhibetur : et inter ea medicamenta annumerandum
quæ deleteria qualitate pollent : ejusmodi Scholæ nostræ Decretum à Senatu
Paris. ter confirmatum legitur apud Hofm. de medicamentis officin. pag. < 692 >
Hocce Decretum tanquam æquissimum tuentur quam-multi, et pro eo tan-
quam pro aris et focis decertant plusquam 70. Doctores etiam peritissimi : alijs
nonnullis reclamantibus.Super hoc Academico dissidio scripti sunt aliquot
libri, sed Gallico sermone, quos Tibi offero, si tale idioma nostrum intelligas. Unus è
nostris Latinum quidem adornat super contra stibium, sed adhuc ab Authore, gravi
et erudito retinetur : statim atque typis mandatus fuerit eum à me accipis.
Lugduni ad Rhodanum audio excusum Helmontium, in folio : ô tempora ! talibus
agyrtarum et nebulorum scriptis in lucem edendis favent præla Typographo-
rum, dum nulla deprehendo reperio pro MS. operibus Hofmanni, quæ hîc habeo ἀνεκδοτα.
In tanta sæculi iniquitate quia nihil aliud mihi suppetit quod Tibi offeram, meipsum
Tibi offero consecro, rogóque, ut si quid hîc aut in tota Gallia habeatur quod optaveris,
fac ut intelligam, ut per me multis nominibus Tibi obnoxium, tandem obtineas.
Senior noster Riolanus vivit et valet : regiámque suam cathedram docendæ rei Ana-
tomicæ, Botanicæ ac Pharmaceuticæ mihi annuente Christanissimo Rege transmisit : ex qua, ab
aliquot mensib. diebus in gymnasio regio Cambarensi ter per hebdomadam doceo, ut
Tibi patebit ex programmate. Librum tuum de Scriptis Medicis ante tres annos
mihi destinatum et Elseverijs traditum ut mihi redderetur nondum accepi, sed in
dies expecto. Vale, vir clarissime, et me ama.

Tuus ex animo Guido Patin, Bellovacus,
Doctor Medicus Paris. et rei Anat. Bot. ac
Pharmac. Professor regius.

Parisijs, die Martis, 27. Aprilis,
1655.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Johannes Antonides Vander Linden, le 27 avril 1655, note s.

Adresse permanente : https://www.biusante.parisdescartes.fr/patin/?do=pg&let=1069&cln=s

(Consulté le 28/03/2024)

Licence Creative Commons