Ms BIU Santé no 2007, fo 56 ro.
Clariss. viro D.D. Christiano Utenbogardo, Doct. Med. Ultrajectum.
Dum pergerem ad Illustrissimum virum D. Thuanum, in Parisiensi
Senatu Præsidem, ut ei valedicerem brevi ad vos trans intra paucos dies discessurum, ut apud
Fæderatos vestros Ordines Legatum agat Regis nostri Christianissimi,
fortè offendi virum optimum, Illustriss. Legati culinæ Præfectum, jampri-
dem mihi notum, quique bona fide se mihi obstrinxit huncce fasciculum
Tibi mihi meo nomine redditurum, in quo reperies semina cypressi, abietis, et phyl-
lireæ, quæ Tibi postrema mea pollicitus sum. Promissa mihi sunt aliquot
grana seminis illius Geranij tristis Americani, quæ si dentur, protinus
ad Te mittam : interea vale et me ama, meóq.nomine saluta viros Clariss.
D.D. Vander Linden, Mart. Schoockium, et alios si qui sint qui faveant rebus
nostris : de Riolani obitu antehac ante scripsi. Vale.
Tuus in æternum Guido Patin.
Parisijs, die Iovis, 29. Martij, 1657.
