Ms BIU Santé no 2007, fo 61 vo.
Clariss. viro D. Io. Danieli Horstio, Medicinæ Doctori Marpurgum.
Multas Tibi gratias debeo, vir Cl. pro libro tuo, Epistoláque tua,
quam accepi per honestum virum Francofurtensem : librum tuum hîc
habeobam primæ editionis, in 8. et jamdudum de Te audivi, et tua non
vulgari eruditione. Familiæ tuæ nomen Horstianum jamdudum mihi
notum est, imò in veneratione atque amore hactenus habui : hîc habeo
in Bibliotheca non mediocri libros omnes scriptas à D. Horstio, præter
Tractatum de Scorbuto, Giessæ editum anno 1609. Compendium tuum
Physicæ Hippocraticæ, numquam vidi : D. Iacobi Horstij singula illa habeo
quæ indicavit D. Vander Linden, Amicus meus singularis, in libro suo
de Scriptis Medicis, præter Tractatum de Vite vinifera, et ejusdem
Epistolas Philosophicas et medicinales, etc. quæ utinam quovis pretio habere possem :
quatuor illa intelligo, pro quib. si ope tua haberi possint, Tibi quod volueris
offero ex Gallia nostra : tutò mitti possent ad Sponium nostrum,
constantissimum et integerrimum amicum, qui postea de illis ad me
mittendis accuratè sataget. Riolanus noster hîc obijt 19. Febr. ab ejus
excessu nihil fuit de illo editum, nec in posterum edetur, propter lites
in ejus familia exortas inter utrumque Filium. In regia cathedra illi
successi, et ante btriennium integrum ejus loco docebam, sic volente jubentéq.
Rege Christianissimo, per diploma quod ab eo impetraveram anno 1654.
et adhuc hodie docui, licet omnes alij Professores sileant : nec scio quandonam
cessare potero, propter ingentem et penè insperatum numerosum auditorum concursum,
quorum studijs et votis deesse mihi religio est. Observationes tuas
quæ nunc eduntur si miseris, libentissimè accipiam, pro quibus et
alijs singulis liberrimè, si non liberaliter, retaliabo, quidquid Te
