À Reiner von Neuhaus, le 22 juin 1662, note s.
Transcription

Ms BIU Santé no 2007, fo 108 vo.

Cl. viro D. Rein. Neuhusio, Gymnasiarchæ Alcmarino.

Vir Cl. Suavissimam et mellitissimam tuam accepi Epistolam,
papavere sesamóq. sparsam, qua nullam unquam accepi gratiorem.
Vivat in æternum memoria Viri Cl. Edonis Neuhusij, cujus manibus
bene semper precatus sum, ab eo tempore quo ejus scripta immortali laude digna
ad me pervenerunt, et quorum lectionem Auditoribus meis sæpius commendavi.
Illi potissimum debeo quod Te amicum habeam : Tu v. Vir Cl. vive et vale
per annos plusquam Nestoreos, méq. quod vehementer cupio, et quod bene-
volè polliceris, amare perge eum qui totus est tuus, Guidonem Patinum,
ære et libra planè tuum tota vita futurum. Hoc unum à Te peto supplex,
ac enixè postulo, per manes paternos, et omnes Musas quarum sacra fero ingenti
perculsus amore. Tenuem illam tuam Minervam quam dicis, in scriptis tuis et sin-
gulis in lucem emissis à Te libris, non agnosco : quin potiùs stylum vegetum
ac generosum, multiplici eruditione conditum facilè agnosco. Magnum me vocas,
inter omnes eruditos minimum ; hoc debeo tuæ benevolentiæ, corpore dumtaxat
magnus, et in omnes literatos, in quib. familiam ducis, Tuiq. similes maximè
propensus : hoc unum igitur scias velim, Vir Cl. Te colo atque veneror tam-
quam magnum sidus eximiæ claritatis in cœlo literario : et magnum quid
atque palmarium præstitisse putabo, si me etiamsi minorum gentium
Doctorem, ac inter literatos viros planè minimum, vel tantillum amare volueris.
Bene sit Romphio nostro, viro optimo, ac inter paucos erudito. Filius meus
Carolus, Doctor Med. Paris. anno æt. 28. subsicivas horas tradidit atque
impendit in Notitia adipiscenda multorum Numismatum, aureorum, argen-
torum ac ærorum, adeo ut ex ijs possit historiam integram contexere :
librum Romæ antehac editum Fulvij Ursini, de Familijs Romanis, illustra-
vit, emendavit et dimidia parte adauxit atque locupletavit, Christianis-
simi Regis beneficio, qui voluit ut ei communicarentur quæcumque habet in sua Lupara,

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Reiner von Neuhaus, le 22 juin 1662, note s.

Adresse permanente : https://www.biusante.parisdescartes.fr/patin/?do=pg&let=1232&cln=s

(Consulté le 29/03/2024)

Licence Creative Commons