Ms BIU Santé no 2007, fo 167 ro.
Cl. viro D. Seb. Scheffero, Med. Doct. Francof.
Postremam tuam 20. Febr. scriptam ecce accipio, Vir Cl. per nobilem tuum
Germanum, D. à Groschlag, virum egregium, et cui haud dubiè non deero, si forsan
officijs meis indigeat. Pro illa tua, et Hofmanni Opusculis novæ Editionis, quæ Nomini
meo inscribere voluisti, gratias ago quam maximas : primam illam paginam quæ
deest ob æneum frontispicium, patienter expectabo, quam suo tempore mittes. Iam-
dudum accepi librum de Febribus, Tubingæ editum, optimum sanè, ac lectu dignissi-
mum. Gotzio vestro gratias ago, quod voluerit mittere Collegium istud à Franc.
Sylvio dictatum : ad me forsan per aliam viam deferetur, nempe ex Hollandia.
Cl. Virum saluto D. Io. D. Horstium, ut et D. Lotichium. Pro Viris illustribus
Boissardi si per Te accipiat Chalcographus Heidelbergensis quod debetur, et quod illud Tibi
restitui curabo per D. Ochs, aut per Seb. Svitzerum. Vir illustris Dominus à
Groschlag hodie interfuit præ lectioni meæ publicæ, in Schola regia, ubi aderant
pene 300. Auditores. Venerandum Senem D. Parentem tuum, tanquam virum exi-
mium et mihi colendissimum ex animo saluto, ut et optimam Uxorem tuam : Tu v. et
D. Vorburg saluto, ut et ambo Filij mei. Nihil hîc habemus novi de Pace, de Turca, de Fuqueto,
et alijs peculatoribus : bellum nostrum adversus Papam dicitur extinctum : de libris
nihil quidquam novi. Vale, vir præstantissime, et me ama. Raptim
scriptum Parisijs, die 6. Martij, 1664. Tuus ex animo Guido Patin.
Dum cogitarem de obsignanda Epistola, ad me reversus est D. Moquillon, qui
retulit Te speculum habere velle pro Domina Uxore : quod facilè fieri potest :
scribe igitur cujus pretij vis illud esse, et cujus magnitudinis : an nudum,
vel qua tabula quo quadro assulari aut cancello cinctum et ornatum : indica præterea per quam viam mitti poterit, ut
integrum, nullo modo fractum aut contusumquassatum Tibi reddatur : aliàs enim nisi
viam tutam nanciscamur, mallem ut Lugduni emeretur per Sponium
nostrum, viliori quam hîc pretio, si Lugduni occurrat vector idoneus.
Quod spectat ad Exemplaria libri recens editi, Opusculorum Cl. Hofmanni,
30. vel 40. 50. ex ijs accipiam, si pretium moderatum Typographus pro ijs requirat :
s’il se veut contenter d’un prix raisonnable : qui devroit estre d’environ dix
ou 12. escus, ad summum : hoc est decem vel 12. reischdales, thaleros vel Imperiales, pro
illis 50. Exemplaribus.
Mort de Monsieur Vander
Linden, à Leiden.
Le Mardi xi. de Mars, 1664. j’ay receu par M. Romph, une lettre escripte
par M. de Vorst, à Leiden, dans laquelle il me mande la mort de nostre bon
ami, Monsieur Vander Lind, Professeur en Medecine, laquelle est arrivée le
v. de Mars. Ejus manibus bene precor, fuit enim vir bonus ac eruditus : cujus
in me amori non parum debeo : ejus itaque vicem doleo : qui ex
nimia studiorum contentione jugibúsque vigilijs mortem immaturam et
planè intempestivam sibi provocavit. Immodicis brevis est ætas et rara senectus.
