À Heinrich Meibomius, le 24 juillet 1664, note s.
Transcription

Ms BIU Santé no 2007, fo 172 vo.

Cl. viro Henrico Meibomio, Med. Doctori, Helmstadium.

Postremam tuam Idib. Martijs datam, ecce accipio, Vir Cl. non absque
summa lætitia, per quam nimirum accip agnosco Te vivere et valere, meq. à Te
seriò amari : quæ singula fortiter in votis habeo : accepi quoque cum eleganti tua
Epistola, quos adjunxisti libellos, pro quib. gratias habeo singulares, præsertim v.
pro funebri illa Oratione Cl. Parentis tui, à Neucrantzio scripta, viro præstantissimo,
cujus eruditionem jamdudum et apprimè novi, quemq. ideo nomine meo salutari
velim, si Tu volueris. Valesij fratres bene se habent, ut et Menagius, Bigotius,
Mentelius et Bullialdus
 : bonus pater Iacobus, et Phil. Labbeus, de Loyolæ
prosapia. Hîc habeo Diogenem Laertium Menagij : quem accepi ex Anglia, multis
diebus ante ipsum Menagium : tantum valeo per amicos. Hîc habeo totum
Cardanum, x. tomis conclusum, in folio, et ante menses xv. Optimi et maximi
viri S. Bocharti magnum Opus hîc habeo, à decem mensibus. De Galateo illo
tuo, Med. Burdegal. nihil amplius audivi, contra Villisium. Tanaq. Faber
nuper ad me misit novam et recentatam suam editionem fabularum
Phœdri :
cum earumdem versione Gallica : ut et vitam Poetarum Græco-
rum Gallicè scriptam. Vossius hîc est ab aliquot diebus : ei respondit Petrus
Petitus
, de Luce : sed ejus Aretæus nihil promovetur : nec cuiquam constat, quid
illi fiet, per ignaviam Typographi, aut egestatem. Literas Provinciales
Montalti
apud vos editas esse lætor, ut pluribus innotescat quantum bona
fide valeant boni illi Patres, quos olim vir quidam Ordinis Senatorij hîc
apud nos lepidè vocnuncupabat, satellites sive Ianitzarios Rom. Pontificis, les Ianissaires du
Pape.
Hîc habeo Accepi è Germania duos Tractatus posthumos Casp. Hofmanni, του μακαριτου :
cujus hîc habeo MS. quatuor Tractatus, nempe φυσιολογ. et παθολογ.
Χρησομαθειας, cum Notis ejusd. in Gal. Methodum, et libros de Sanitate tuenda :

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Heinrich Meibomius, le 24 juillet 1664, note s.

Adresse permanente : https://www.biusante.parisdescartes.fr/patin/?do=pg&let=1338&cln=s

(Consulté le 28/03/2024)

Licence Creative Commons