À Werner Rolfinck, le 12 février 1665, note s.
Transcription

Ms BIU Santé no 2007, fo 185 vo.

Cl. Viro D. Guernero Rolfinkio, Med. Doctori, Ienam.

Gratissimam tuam accepi, Vir Cl. pro qua gratias Tibi ago quantas possum maxi-
mas : et simul offero spondeóq. quidquid à nobis optaveris, modo prostet. De libris à Te
petitis, respondi ad amussim amico nostro Cl. Volcamero : de quib. adhuc habeo quod
dicam : hîc à paucis annis prostat vænalis liber Gallicus, in folio, qui continet omnes
Operationes Chirurgicas, ut et Lexicum quoddam Chirurgicum, etc. Authore quodam
Chirurgo Paris. dicto Franc. Tevenin, quem aliàs novi. Liber est insignis, et ad docen-
dam Chirurgiam valde idoneus, quem mittam si placuerit. Erat ille optimus ac
peritissimus artifex, et in operationibus istis versatissimus. De cæteris respondi optimo
Volcamero. Hîc habeo multos libros in Bibliotheca instructissima, quos omnes Tibi offero,
χρησει και κλησει : ut volueris. Pro tua de difficili partu Disputatione, quam patienter
expectabo à Cl. Volcamero, gratias ago amplissimas : sed utinam habere possem illam tuam
tuam de usu Diaphoreticorum, Ienæ habitam, etc. Vale Vir Cl. et me ama. Parisijs,
12. Febr. 1665.

Tuus ex animo, Guido Patin.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Werner Rolfinck, le 12 février 1665, note s.

Adresse permanente : https://www.biusante.parisdescartes.fr/patin/?do=pg&let=1373&cln=s

(Consulté le 29/03/2024)

Licence Creative Commons