À Johann Georg Volckamer, le 8 octobre 1666, note s.
Transcription

Ms BIU Santé no 2007, fo 209 vo.

Cl. viro D. Io. Georgio
Volcamero, Norib.

Postremos tuos fasciculos duos accepi, Vir Cl. quorum unus erat D. P.
Felwingeri, ad quem posthac repondebo : alter erat ex duobus tomis
amplissimis, variarum Disputationum Academicarum, pro quib. gratias
ago Tibi quantas possum maximas. Si quæ aliæ posthac Tibi sese
offerant, aut occurrant emendæ, præsertim Physicæ vel Medicæ, pro ijs
Te rogo ex animo : Sed indica quæso pretium impensarum à Te factarum
ut illud Tibi restituantur operâ meâ, per D. Picques. Non dubito Tibi notum
fuisse incedium Londinensis Urbis : rem sanè horribilem : Dij meliora !
Hîc obijt morte repentina sublatus, Vir Cl. D. Annibal Sesteedt, sere-
nissimi regis Danorum ad Regem nostrum Legatus, ex apoplexia
forti, i. effusione multi sanguinis à ruptione vasorum, per varias par-
tes cerebri, quod me præsente fuit dissectum : causa mortis fuit verus ictus
sanguinis, ab Aur. Victore, in Epitome Cæsarum sic dictus, in corpore carnoso, obeso, quadrato, succi pleno, et plethoricoτατω. Multi
sperant pacem hyeme proxima inter Gallos, Anglos et Batavios : quod
utinam contingat. Omnes amicos nostros saluto. Te v. imprimis, Vir Cl.
Scripsi ad Sponium nostrum de Typographo Lugdunensi, pro Cl. Viro
D. Rolfincio, quem saluto, ut et D. Theod. Schenkium, cujus Disput.
de Plantis à Te opto peto et expecto. Mitte mihi quæso Indiculum eorum quæ
pro me impendisti, ut expungam vetus nomen : et indica mihi quid cupias ex Urbe nostra.
Vale, Vir Cl. et me ama. Parisijs, 8. Oct. 1666. Tuus ex animo, Guido Patin.

Lubens Optarem ut D. Rolfincius omnia sua scripta colligeret, et novam eorum Editionem procuraret,
multa enim eáq. optima in ijs continentur : sed extremam ejus manum requirunt.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Johann Georg Volckamer, le 8 octobre 1666, note s.

Adresse permanente : https://www.biusante.parisdescartes.fr/patin/?do=pg&let=1441&cln=s

(Consulté le 29/03/2024)

Licence Creative Commons