Ms BIU Santé n^o 2007, f^o 212 v^o.

Cl. Viro D. Seb. Scheffero, Medicinæ Doctoris, Francofurtum.

Suavissimam tuam accepi, Vir Cl. scriptam Francofurti, 26. Oct. quæ me totum summo
gaudio perfudit. Quotiescumque ad me scripsisti responsum dedi, sed aliquæ tuæ forsan ad me
nondum pervenerunt, quod facilè credo. Kornmannum illum et Ienensem fasciculum non vidi,
nec de eo quidquam audivi. Literæ tuæ meæq. per D. Persod tutò perferentur. Quidquid a.
a. habueris mittendum, mihi destinatum, penes Te servari velim, quousque nobis affulgeat
mitiorum temporum grata conditio : interea v. via Metensis omnium tutissima mihi videtur.