À Sebastian Scheffer, le 4 août 1667, note s.
Transcription

Ms BIU Santé no 2007, fo 217 ro.

Cl. viro D. Seb. Scheffero, Med. Doctori, Francof.

Iampridem expecto, ac et expeto, Vir Cl. tandem accipere ea quæ pro me Tibi
ante annum et suprà, transmisit Ienâ D. Io. Theod. Schelkius, quæ
videris sperare ut accipiam tandem per Seb. Switzerum : quod ut faciat
faxit Deus. Libro de humoribus Casp. Hofmanni, filio meo Rob. Patin,
majori natu dicato, si adhuc tempus sit, appone in titulo, Rob. P. Doctori
Med. Paris. et Prof. regio
 : habet enim in manibus diploma regium, quo mihi
succedat in cathedra et professione regia. Uxor P. Moquillon suas
accepit. Regis nostri conatus et consilia bellè procedunt in Flandria :
utinam eodem pede pergant usque ad finem bello impositum : sed nisi
Hispani aliter agant, et urbes suas fortiùs defendant, spes optima me
tenet, totum istud Belgium Hispanicum, cis unum alterum annum,
i. brevi futurum Gallicanum : quod haud dubiè continget, si Deus Opt.
Max. Regem nostrum Christianissimum Lud. 14. ejúsq. filium,
Delphinatium regulum, Monsieur le Dauphin, ab hostium insidijs, et à
morte vindicaverit. Antehac ad Te scripsi, nempe 17. Iunij, et xv. Iulij,
pro quib. nullum accepi responsum : pro trib. ideo scribes quum volueris.
Vale, Vir Cl. et me ama. Parisijs, 4. Aug. 1667. Tuus G.P.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Sebastian Scheffer, le 4 août 1667, note s.

Adresse permanente : https://www.biusante.parisdescartes.fr/patin/?do=pg&let=1467&cln=s

(Consulté le 28/03/2024)

Licence Creative Commons