Ms BIU Santé n^o 2007, f^o 221 v^o.

Eidem. Ecce iterum scribo absque ulla necessitate, cùm nuper scripserim, 16. Novembris :
scribo tamen propter commoditatem tabelarij, ad vos abeuntis. Vestros Typographos, optimos
viros omnes saluto, Schonwetterum, Gotzium et Beyerum : ut et utrumque Horstium,
et D. Lotichium. Libri nostri nondum mihi fuerunt restituti, per procacitatem atque
pervicaciam nequissimi cujusdam nebulonis : ideóq. Te rogo ut nihil adhuc ad me
mittatur, ne malè pereat. Ecce habes Epistolam uxoris D. Mocquillon, quem saluto. Vale,
et me ama. Parisijs, die 14. Dec. 1667. Tuus ex animo, G.P.