Ms BIU Santé 2007, fo 241 ro.
Consilium ad frigidos et minimè arrigentes.
Contingit hoc vel materiæ seminalis, vel flatuum et spirituum quib. vasa
turgentia tentigine quasi rumpuntur et intenduntur penuria. Illis
medentur cibi omnes euchymi, iuscula carnium euchymarum, vinum rubrum
ac generosum, calida et humida quod ferè sint flatuosa <vina> et
calorem nativum languidum foveant : decocta etiam carnium vitulinarum,
vervecinarum, gallinarum, pullorum, caponum, gallorum cristæ et testiculi,
columbarum pipiones cum articarduis et medulla arte dulciarij pistoris
in farcimem conclusi ac defracti, sed et legumina, pisa, fabæ virides,
carottæ, napi, raphani, caules, cæpæ, ostreæ, tubera, castaneæ et
similia, tum sua flatuositate, tum salsilagine flatibus penem
distendunt, et ad venerem stimulent : vitanda acetaria omnia, nam
acetum venerem extinguit, vitandus limonum usus, paranda condimenta
ex vino, nuce moschata, cinnamomo, pipere, caryophillis ; frigidos
mirificè iuvat radix zingiberis viridis melle condîta, et ieiuno stomacho
sumpta : sed si flatuum <et> spirituum inopia languet, Venus nocet,
quia flatus discutit : <pro>sunt saladæ ex eruca, costo, nasturtio,
[…] cibola, iuvenibus allijs et satyrione prosunt etiam con-
dimenta ex allio cum coriandro. ℞ conserv. diasatyr. eryngij, zinzib.
condit. an. ℥j. pinearum, pistaciar. non rancidar. an. Ӡij.
Ӡj. confect. alke[rm]es Ӡij. cum syrup. conser. myrobalan. mosch. fiat
opiata, mane et vespere sumenda.
