Ms BIU Santé no 2007, fo 57 vo.
quàm ut typis edemandarentur. Aliquot illic habentur ann. 1646. et 1647.
plures anni 1648. quamplurimæ anni 1649. ^ penè omnes de rebus nostris : quæ Editori, si eas
scripto requisiverit, non denegabuntur ad editionem : de quo si habet, à Te
monebitur. Hîc prostat Hippocrates Foesij, novæ editionis Geneven-
sis : ut et novissima editio Commentarij Lud. Dureti in Coacas Hipp.
in folio. Heri accepi librum novum ex Italia, nuperrimè allatum optimi
Auctoris, sub hoc lemnate : Steph. Roderici Castrensis Lusitani Opuscula
duo, videlicet Variæ Exercitationes Medicæ, et Expositiones in aliquos
ægrotos Hippocratis. in 8. Venetijs, 1656. ut et alium, quem in tuo Indice
non deprehendo : Amphitheatrum Medicum, in quo morbi omnes, quib. imposita
sunt nomina ab animalibus raro spectaculo debellantur. Authore Ezechiele à
Castro, Doct. Med. Phys. ad Illustrissimum Dominum Ant. Franc. Seratici
Comitem. Liber primus, ab homine in morbo palimbulo. ^ Veronæ, Apud Franciscum/ Rubeum, 1646. Lugduni ad Ararim
inchoatum nova editio omnium Operum Hier. Cardani, quæ sex tomos in folio con-
tinebit : ibidem procedit Editio nova omnium Operum Petri Gassendi, viri
eximij, et hîc apud nos artium Mathematicarum Professoris regij, quæ
ante finem anni speratur confecta. Paracelsus Genevæ perficiretur circa
idem tempus, trib. tomis in folio : proh pudor ! Van-Helmontius, Paracel-
sus, Chymici libri pessimi, notæq. deterrimæ, et alia ingeniorum monstra,
in ultimas terras deportanda, typographos nanciscuntur ; Caspari v.
Hofmanni viri eximij scripta nullum reperiunt. Verùm dic sodes :
quî se habent amiciss nosterri D. Van-Horne, Vorstius, Hornius, et D.
Utenbogardus : quibus singulis meo nomine salutem impretias velim. Possemne
habere librum ex vestra Hollandia, editum Amstelodami, in 8. 1631. sub hoc
titulo. Philothei Castelli Flagellum calumniantium, seu Apologia,
in qua Anonymi cujusdam calumniæ refutantur, etc. Hîc inchoatur
magnum opus historicum, nempe de vita et gestis Armandi Richelij
cardinalis, duob. tomis in folio, Gallico idiomate. Mirabilia quidem
patravit ille Vir, ^ florentissimi et potentis-/ simi regni sumptibus : dispendijs : sed fuit pessimus nebulo, et Machiavellisticarum
artium sectator acerrimus ac perniciosissimus : ut familiam suam
locupletaret, et nepotibus suis, (forsan filijs) immensas opes ac planè
invidendas relinqueret, herum suum Regem optimum per multos
annos multipliciter decepit, Mariam Medicœam Reginam Matrem,
cujus liberalitati ac humanitati benevolentiæ omnia sua debebat, ut solus cum Rege
regnaret, exulem fecit, Europam universam concussit, Galliam expilavit,
et propè ad inopiam redegit, saltem eam penè enectam latronum et
publicanorum carnificinæ suffocandam commisit : et tamen successorem
nescio quo fato nisi nostro pessimo nihilo meliorem nactus est, qui
etiam in cadavere extenuatissimo siccissimo et prope adhuc ustulato adhuc deprehendit quod roderet : tantæ
sunt artes, adeo sunt acuta ingenua ejusmodi fungorum Vaticanorum, quo-
tiescumque agitur de præda, et nummis per fas ac nefas corra-
dendis : sed eheu ! per socordiam nostram ista patimur, à purpuratis
istis Iovis Capitolini ^ et Romanæ meretricis 2 ministris et 1 Satrapis parum Apostolicis.
De Aretæo, nihil habeo quod dicam : in Bibiotheca regia nullum
adhuc novi : operam tamen daturus sum in posterum, ut aliquid inde pro
commodis tuis vel hauriam, vel discam. Si convenias D. Boüillaud,
Domini Thuani Legati vestri Secretarium et Bibliothecarium, age
cum illo de isto Aretæo. Vale, Vir Cl. et me quod facis, amare
perge, qui sum totus ex animo tuus
Guido Patin, Doctor Medicus,
et Prof. regius.
Parisijs, die 1. 2. Iunij, 1657.
