À Johannes Antonides Vander Linden, le 1er mars 1658, note t.
Transcription

Ms BIU Santé no 2007, fo 67 ro.

an adhuc acceperis nescio : saltem opto ut brevi accipias, idque grata mente :
longè alia Tibi debeo, pretiosiora et meliora, pro quib. singulis spero me Tibi bonum nomen
futurum. Hîc habeo novum exemplar Enchiridij Anat. et Pathol. nuperrimè
editum, et aliquot accessionibus adauctum à D. Riolano : quod prima occasione
missurus sum, cum Simone Sethi Græco Latino, nuper edito, et aliquot Thesib.
Medicis
in Schola nostra hac hyeme disputatis. Præter quæ, utinam mihi
superesset aliquid quod studijs curis tuis convenire posset. Hîc antea per multas septima-
nas viguit frigus intensissimum cum gelu lapideo : cui succeserunt nives, et imbres copiosissimi :
indéq. tanta fluminum inundatio, 2 ut et tota penè civitas laboret manifeste proximo sub-
mersionis periculo, 1 nec ut non nisi naviculis per mediam urbem eatur, futurum Diluvium
metuerem, et mundi finem, nisi Monachorum prophetiæ istud
prænuntiarent per εκπυρωσιν. Hîc habeo libellum, quem nuper
nactus sum, curiosum sanè ac eruditum : nempe Io. Bapt. Personæ Scholia
in tres Gal. libros de venæ sectione, Therapeuticum, adversus Erasistratum, et adversus Erasistratæos, etc. Bergomi, 1611
. 4. dignus est qui in Catalogo
tuo Scriptorum Medicorum enumeretur. Vale, vir eximie, et me ama.

Tuus æternùm futurus, Guido Patin.

Parsijs, die Veneris, 1. Martij, 1658.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Johannes Antonides Vander Linden, le 1er mars 1658, note t.

Adresse permanente : https://www.biusante.parisdescartes.fr/patin/?do=pg&let=1130&cln=t

(Consulté le 29/03/2024)

Licence Creative Commons