À Johannes Antonides Vander Linden, le 24 mai 1663, note t.
Transcription

Ms BIU Santé no 2007, fo 146 vo.

pecuniam tuam numeraveras D. le Rebours, per illud quod mercatores
vocant interest, tam Latinè quàm Gallicè : sed viris Philosophis minoris
esse momenti mihi videtur esse tantillum istud : nec quidquam curo.
Quando scripsi illam schedulam commedatitiam, nihil tale cogitabam :
nec quidquam tale sperabat qui eam à me accepit : Tu spem nostram
longè superasti : D. le Rebours qui hîc putabatur brevi rediturus,
aliter egit quia nimiùm hæsit. Deo sit laus et gloria, Tibi v. in-
gentes gratiæ, Vir Cl. cautiùs aliàs agam, nec tam facilè gravabo Ami-
cum meum, neq. enim tale quid patiar mihi tam leviter persuaderi.

Regina Parens adhuc decumbit ex duplici sua tertiana : aulici medicastri
lupum tenent auribus ; hactenus morbi contumaciam, non potuerunt vincere,
propter fomitem relictum in cavis hepatis et in mesenterio : nunc mutata
velificatione et inversa recta illa et atque legitima bene medendi lege,
cogitant de exhibendo venenato suo antimonio vino emetico, utinam non enetico,
et optimam Reginam non enecet : vires imbecillæ in senili corpore tamdiu ægro-
tante, stibiali malignitati ferendo planè sunt impares. Omnia sunt suspecta
in senibus ; nosti quàm verè dixerit tuus Corn. Celsus ; Qui sunt bene colorati
debent habere suspecta sua bona.
Hîc legitur Poema quoddam non inconcin-
num pro Gazophylace incarcerato : cujus lemna est, Fuquetus in vinculis,
ad Virginem matrem :
suspicor esse aliquem Iesuitam : istis enim hominibus
apprimè favebat dum olla fervebat : i. dum stabat fortuna domus et
familiæ Fuquetianæ. Sed quid tandem fiet ipsi Fuqueto ? certè, sors
ejus in manu Domini, et Iudicum selectorum, à Rege nominatorum.
Vale, Vir Cl. et me ama. Parisijs, die Iovis, 24. Maij, 1663. Tuus ex animo G.P.

Imprimer cette note
Citer cette note
x
Correspondance complète de Guy Patin et autres écrits, édités par Loïc Capron. – Paris : Bibliothèque interuniversitaire de santé, 2018. – À Johannes Antonides Vander Linden, le 24 mai 1663, note t.

Adresse permanente : https://www.biusante.parisdescartes.fr/patin/?do=pg&let=1277&cln=t

(Consulté le 28/03/2024)

Licence Creative Commons