Ms BIU Santé no 2007, fo 63 ro.
affectus, perniciem minantes, adhuc perseverent, ut interdum contingit. Chy-
mistarum pulveres si Dijs placet cardiacos, et alias ejusmodi desipientium nebulonum
nugas non attingimus, imò ab ijs ex industria abstinemus, ijsq. relinquimus
qui volunt decipi, nec sine fraude mori, pretiόq. nimio. Initio morbi nobis
omne facit punctum venæ sectio, etiam repetita in puerulis, cum exquisita
victus lege ; et blanda sub finem catharsi, quæ ante finem morbi semper est
perniciosa. Et in hanc nostram Scholæ Medicæ Paris. sententiam de missione
sanguinis in variolis et morbillis, sponte sua transeunt omnes aliorum Medicorum
ordines, non solùm Galli, sed et Itali, Hispani, Germani, Hollandi, Angli, Dani,
cùm tali promovendæ eruptioni nullum aliud sit præsidium cum phlebotomia
conferendum : morbus enim est àsanguine, multo putri, cum febre assidua,
et alijs tetris symptomatis, à quib. imminet viscerum corruptela, nullo
artis nostræ præsidio delenda, nec debellanda. Habes meam sententiam de ipsa
magni momenti in operib. Artis controversia : quæ si Tibi probetur, quod
futurum spero, in sinu gaudebo : sin minùs, meliora edoctus amplecti non recuso.
Pag. 158. Ex illa conjicio Te non vidisse quæ de circulatione sanguinis erudito
viro Marquarto Slegelio respondit Cl. Senex noster D. Riolanus, qui
varijs annis tres varios tractatus conscripsit de illis quæstionibus, nempe
1652. 1653. et 1655. Quos quidem Tibi mittere paratus sum, ut et ejus
Enchiridum Anat. et necnon Anthropographiam et ac quidquid ex Lutetia nostra
Tibi placuerit. Scribe ergo 2 quid habesas in votis, 1 imò et indica, di vel potiùs jube
et impera, ut Tibi volenti obsequar, et amorem in Te meum officijs meis
imò et muneribus meis facilè intelligas. Videbis et decernes de ejus responso
adversus Pecquetum et Pecquetianos. Plura non adfero.
Pag. 159. Numquam vidi Defens. venæ sectionis Georg. Frid. Lau-
rentij, Dani ; ut nec Exerc. Cnôfelij contra Aug. Corrade, Medicum
Gallum, Nimensem, mihi notum, qui hodie Medicus est primarius
2 Reginæ Polonorum, D. 1 Mariæ Gonzagæ.
Vide, vir eruditissime, quàm familiariter tecum agam, et ignosce
si quid mihi exciderit quod Tibi non arrideat : dabis hoc philosophicæ libertati,
et candori meo : Diversum sentire duos, etc. sine enim placuero necne,
tuus amore et obsequio semper ero : et quamdiu vivum
Tuus ero ex animo Guido Patin, Bellovacus,
Doctor Medicus Paris. et Prof. regius.
Dabam Parisijs, 25. Augusti, 1657.
