BnF ms latin 10352‑I, fo 93 vo
prodiere, quæ Cartesiana sunt, neque tanto digna hiatu.
Hobbium de Cive edi curo, cujus incomparabilis viri Elementa
totius Philosophiæ avidè expecto, et ut ad me transmittat
urgeo. Vereor jam Aulæ implicitus et Principi Walliæ
admotus minus otij operi perpotiendo habeat. Nisi hominem
nôris, quæso ne pigeat te adire. Vir est veteribus par, et
cui unicum video conferendum αριστον τε φυσεως και κοσμου
ερμηνευων magnum illum Gassendum. Quæ de opere
Hofmanni prædicas salivam impensè movent, ut si mittas
libenter pretium refundam, cui si adderes Icones Naudæi
et D. Morelli quibus caret Pinacotheca nostra beneficio
tuo cumulus ingens accederet. Theses si nanciscar
mittam, quamvis et paucæ numero, nec tanti sint, quibus
scilicet compingendis studiosi soli laborant. Vale Vir
præestantissime et me tui observantissimum ama.
Doctissimo sapientissimóque Sponio velim salutem
plurimam in Epistolis tuis significes. Lugdunum Batavorum
Eid. Octob. 1646.
