Commentaires de la Faculté de médecine de Paris
BIU Santé, tome xiii, fo 510 ro
Eodem momento supplicuit Facultati Mag. Ioannes
Merlet, ut secundum tria decreta, quæ ipse legit coram
universo Ordine, lata olim in decanatu viri clarissimi
Mag. Michaelis de la Vigne, in gratiam Magistri Lanceloti
de Frades, ejúsque filij, cui fidem dedit saluberrima
Facultas ejusmodi filium ad gradus Facultatis ad-
missum iri gratis, ab ipso Baccalaureatu usque ad
ipsum Doctoratum, propter fidam et strenuam operam
quam ipse Candidati nostri Parens Magister
Lancelotus de Frades præstare solet Illustrissimo
Antistiti, Domino des Roches, Mecænati nostro ;
idem ille filius Magister Claudius de Frades, gratis
admittatur ad Examen. Huicce supplicationi Magistri
Ioannis Merlet, et tribus illis Decretis nostris, ex
Decanatu Mag. Michaelis de la Vigne repetendis,
annuerunt singuli Doctores, propter eam quam quot-
quot sumus, debemus reverentiam Illustrissimo illi
Præsuli, ac eximiæ suæ in Ordinem nostrum liberalitati,
dum in Scholarum nostrarum instaurationem, triginta
millia libellarum Turonensium pollicetur nostræ
Facultati : licète nobis singulis dubium et anceps
admodum videatur quandonam sit suam promissionem
