Vt figuras hac charta impressa commode suis sedibus glutines, illæque ualidiores reddantur, primum præsenti chartæ membranam subglutinabis, singulasque figuras a superflua papyro resecabis.

[Illustration]

PRIMA, quæ uenæ pari carentis distributionemproponit magnæ figuræ tergo illic uenit committenda, ubi cauæ caudex eam uenam promit. Ac o in utrisque figuris scriptum spectatur.

[Illustration]

SECVNDA, ubi a redundanti papyro circuncisa erit, duas partes constituet, quarum superior uenam arteriamque dextri lateris exprimit, sub pectoris osse superiorem abdominis sedem petentes Huius itaque q ad magnae figurae q figetur, et * ad ranum qui ad dextrum latus ζ et m in magna figura occurrit. Cæterum humilior pars uenam arteriamque exprimens, quæ inferiorem abdominis sedem implicans, illic est iungenda, ubi earum radices iuxta l in dextro latere spectantur.

[Illustration]

TERTIA cæteris dignior, uenæ portæ distributionem simul cum arterijs illam concomitantibus, magnaque inferioris membranæ omenti portione et liene pariter exprimens, ad cauam iecoris sedem maiori figuræ nectetur, ubi ν, φ, ϛ et contermini aliquot characteres in utrisque figuris spectantur.

[Illustration]

QVARTA portionem gibbæ sedis iecoris proponens, non inutiliter ueluti ex puncto illic glutinabitur, ubi A inter ∫ et F maioris figuræ consistit.

[Illustration]

QVINTA præter testes ipsorumque inuolucra et urinarios meatus, uenas arteriasque seminales ostendens, illic est committenda, ubi κ in ambabus figuris obuium est, aut ubi uena seminalis arteriæ primum iungitur, meatuque urinarij illis subijciuntur.

[Illustration]

[Illustration]

SEXTA primum sub SEPTIMA venit glutinanda. Septima enim uesicæ et penis anteriorem sedem proponit, una cum uasis quæ umbilico asscribimus. Sexta autem humiliorem penis superficiem in hoc expressimus, ut tota figura ex ambabus illis consurgens charactere φ super quintæ figuræ φ necti queat, ac postmodum penis intar S implicari.

[Illustration]

OCTAVA figura mulieris uesicam et umbilici uasa, urinariorumque meatuum portionem continens, maiori non est committenda, sed illi figuræ quæ in chartæ tergo ubi maior impressa est, uterum ipsius, uenas et arterias seminariaque uasa commonstrat. Iungetur itaque octaua ad paruam illam figuram ubi κ occurrit, uenaque seminalis arteriæ committitur : nexus uero fiet urinarijs tantum meatibus, proportione a uesicæ situ sumpta.