eius seriei enarrationem expetat : uerum si memoria quæ illic complexus sum exciderint, eo lectorem remitto, hortorque ut illo capite diligenter perlecto, id uniuersum hic denuo poni sibi persuadeat. Porro ut huius soporalis arteriæ rami sobolem ibidem enarraui, sic etiaml plexus, quem extimo fœtus inuolucro comparamus, naturam quoque inibi recensui : ac proinde in præsentia duntaxat superest, ut studiosos qui duobus proxime præcedentibus annis mihi secanti non astitere, sedulo ad αὐτόψιαν horter, quo iam admoniti, corporis humani fabricam Galeni meaque descriptione perlecta diligenter expendant, in posterumque Anatomicorum libris minus fidei adhibeant. Hic autem denuo cerebri plexuum obiter memini, ne quid in cerebri constructione hoc libro præterijsse uiderer. Atque quo minus id fiat, singula sensuum organa seriatim iam aggrediar.

LIBRI quarti tertium Caput conscribens, atque necessario propter neruorum seriem olfactus organi constructionem prosequens, arbitrabar me hoc loco certius aliquid de olfactus instrumento præcepturum, quam illo Capite nudam constructionem enarrans, faciendum duxeram. Verum quum aliud nihil certius mihi studiose admodum odoratus organi naturam inquirenti hactenus occurrerit, præsens Caput cum illo commune esse uelim.a Præter duos enim illos neruis non absimiles cerebri processus, qui inb octaui caluariæ ossisc inus pertingunt, et frontis ossis sinus, et substantiam illis contentam, etd foramina tum duræ cerebri membranæ, tum ossium hic recensere possem. Nollem namque hic de odoribus, et huius sensus medio, et dein temperie aliquid pertractare, ne in immensum hic meus conatus, qui præter opinionem iam excreuit, impensius crescat.