neficio distendi comprimique secus quam os possunt.Cartilaginis usus in articulis Adde et alium cartilaginis usum neutiquam infimum, quo hæc ossibus occasionem præbet, ut in continuis frequentibusque motibus attritu minus uitientur. Ossium nanque commissuræ motus gratia extructæ, propter ossium siccitatem ex mutuo contactu, leui opera rumperentur, nisi utraque commissuræ ossa tota sede qua se inuicem contingunt, articulumque formant, cartilagine quadam ueluti crusta seorsim obducerentur, et hæc cartilago suo in duritie mollitieque temperamento ossium impetui resisteret, et una incidentis uim cedendo leuiter exolueret. Neque solum cartilago in ossium attrictu quo minus mutuo contactu atterantur commoda est, at ita læuis planaque uisitur, ut promptissime ossis caput in suo sinu uoluatur, nullaque asperitas motus promptitudinem impediat, accedente huc uiscido lubricoque humore, et ueluti smegmate quopiam, quo rotula ad reflectendum funes oblinimus. Quinetiam sagax rerum Opifex adeo præstantem cartilaginis usum in articulis fore cognouit, ut non solum ad eum quem diximus modum ossa in mutuo contactu cartilagine læui et lubrica crustæ cuiusdam modo ornauerit,Tertia in articulis quibusdam cartilago uerum in nonnullis articulis præter has cartilagines tertiam quandam adhibuerit, quæ neutrius ossis cartilagini, sed tantum membraneis articuli ligamentis orbiculatim connascitur, et ueluti cartilaginum ossibus obductarum quoddam interstitium efficitur. Hæc utrinque, qua inter alias cartilagines consistit, læuis, et ob uiscidum quo oblinitur humorem lubrica est, et multo illis cartilaginibus quæ ossibus obnascuntur mollior. Huiusmodi cartilaginem inferioris maxillæ ad superiorem articulos intercedere suo loco audies ; deinde aliam pectoris ossis cum clauicula articulum, et nexum clauiculæ cum summo humero, et ulnæ cum brachiali, et tibiæ ossis cum femore, in quo articulo huius generis cartilagines, sinus, quibus femoris capita excipiuntur, magna Naturæ prouidentia peculiater augent. Verum eiusmodi cartilagines Galeno non uidentur animaduersæ, si ex omnibus eas duntaxat exceperis, quas genu articulo proprias esse diximus :Liber 2 de Administrandis sectionibus quarum Galenus ligamenti nomine semel, et obiter tantum meminit. Arabibus autem eas notiores fuisse, quodammodo hinc colligitur, quod illi ossium contextum docentes, ossa quidem omnia scripserint esse contigua : illis tantum seclusis, in quibus Laguahic, aut (ut correctius dicamus) Luhach intercedunt, quæ ossa inuicem nonnihil dirimunt, ea uoce huius generis cartilaginem mollicie a ligamenti natura parum absimilem intelligentes. At quibus sedibus hæ contineantur, neminem Arabum hactenus docuisse reperi.Cartilago glutinis uicem subiens Huiusmodi itaque usum cartilago in articulis suppeditat, ad quem rursus accedit, quod in plerisque ossium commissuris non ad motum institutis, cartilago quasi glutinis uice interuenit : quemadmodum in pubis ossium commissura fieri animaduertimus, et in minoribus natu corporibus, in appendicis cum reliquo osse coalitu. Porro de conglutinantis cartilaginis natura, ubi ossium commissurarum differentiam persequemur, denuo agendum erit, ubi hæc luxationem gratia neutiquam pefunctorie perpendenda ueniet.Ligamentorum substantiam ingrediens cartilago Pariter et cartilaginis species, quam ligamenta cartilaginosa aliquando efformare docebimus, in ligamentorum enarratione pertractabitur. Sunt autem eius generis in uertebrarum connexu, in coxendicis articulo, et in genu. In præsentia igitur suffecerit ita cartilaginis naturam leuiter explicare :Cartilagines aliquid continuo erigentes ad quam non inopportune adhuc cartilagines retuleris, in hoc fabricatas, ut quippiam in ipsis quod continuo erectum esse oportuit, firmaretur. Cuius generis palpebrarum sunt cartilagines, τάρσοι nuncupati, quæ cilia seu palpebrarum pilos erectos neque aliorum pilorum modo concidentes sustinent, instar aridi durique soli, in quo arbores firmius figuntur : eo uidelicet pacto, quo in longis nauibus remos, quoties non nauigatur, sua serie firmatos, et ex aqua subleuatos conspicimus.Extantibus particulis adnatæ cartilagines Præter hæc rerum Opifex nudas et prominentes corporis particulas, et ossium fines alteri ossi non commissas, cartilagine adauxit, nimirum ut tali constarent substantia, qualis neque frangi propter molliciem, neque rumpi propter siccitatem queat. Quod autem cartilago non minus quam ungues ea formentur substantia, uel pueri nos docent, qui maiusculam cartilaginei piscis, aut uituli cartilaginem nacti, eam in globulum scindunt, ac ut ualidissime frequentissimeque resiliat, lapidi cuipiam inijciunt. Is enim resultus liquido cartilaginis temperiem ita arguit, ac quum cæsim punctimque cartilago superficietenus cultro petitur, et ab illo dein resilit. In cartilaginum, quæ nudis partibus contingerunt, numero, obseruabis nasi cartilagines, eam quæ in mucronem glandij modo a pectoris ossis fine exacuitur, spuriarum costarum cartilagines, et eam quæ ossis coccygis termino adnascitur ; et auris cartilaginem, quæ tenuis mollisque est, et cute obducta, ossis uice auris corpus pulchre suffulcit.Cartilaginum differentiæ Cæterum isti cartilaginum inter se uariantes usus, earundemque quoque differentias explicant, adeo ut nunc neque has, neque cartilaginum formas, prolixius enarrare conueniat, præsertim quum singulæ cartilagines perinde ac ossa a nobis priuatim ueniant describendæ. Quamuis forte aliquis hic adhuc additum uelit, in minoris ætatis corporibus cartilagines