D | Hic os dextro sacri ossis lateri coarticulatum externa sede exprimitur : cui aliud nullum peculiare nomen cum Galeno indimus, sed triplici nomine, uidelicet ilium et coxendicis et pubis, pro ipsius sedium ratione comprehendimus, id uigesimo nono Capite descripturi. |
1, 2. etc | Sub iam commemorato osse, et inferiori maxilla, pedis dextri ossa ita uidentur, ut quatuor tarsi ossa his notis 1.2.3.4. insignita, cum osse cymbæ non absimili |
E.F.G.H.I,II,III, etc | ac E indicato, et talo F inscripto, et calcis osse G significato, a quinque pedij ossibus I, II, III, IIII, V, notatis, et digitorum ossibus H et H ostensis, adeo remouentur, ut sedes qua pedij ossa tarsi ossibus committuntur, intueri possit. Hac namque ratione sinus in superficie tantum insinuati, et capita leuiter admodum protuberantia, opportune commonstrantur. |
I | Pedi subiacet brachij os, seu humerus, anteriorem ipsius sedem ostendens. |
K | Scapulæ dorsi portio, in hoc depicta, ut spinam ipsius cum summi humeri appendice lineis interstincta, et uarijs partibus efformata ostenderet. Atque hæc ossa præsens commonstrat tabula ; reliqui uero characteres ossium partibus ostendendis hunc in modum seruiunt. |
L etc. | Quatuor L in priori femore A notato positis, quatuor femoris appendices indicantur |
M etc | Quatuor M in altero femore locati,s etiam quatuor femoris appendices insinuantur, quarum circumscriptionem lineæ notant, quibus illæ a femoris osse, ut ita dicam, dirimuntur. |
N N | Superius N in osse sacri ossis lateri commisso, ac D insignato, appendicem notat ossis ilium ; inferius autem N, appendicem ossis coxendicis. |
O etc. | Aliquot O in pedij ossibus, I scilicet, III et V signatis ponuntur, et deinde in primo secundoque pollicis osse, et primo secundoque medij digiti etiam O conspicis, appendices in his ossibus insinuantia : non quod tantum ossa O insignita appendicibus donentur, sed quia aliquot characteres eandem in similibus ossibus rationem esse, satis doceant |
P | Humeri appendix. |
Q | Appendix spinæ scapulæ, seu summi humeri. |
R | Lineæ, quæ plures spinæ scapulæ appendicis portiones intercedunt |
S etc. | In utroque femore duo scripsimus S, femoris notantes processus. |
T | Processus acutus inferioris maxillæ, atque etiam T κορώνη insignitur. |
V V | Duo sunt processus in osse alteri sacri ossis lateri coarctato. |
X | Processus appendicis superioris pedij ossis V notati, paruoque digito præpositi. |
Y Y | Duo processus, seu tubercula inferioris sedis humeri, qua cubiti ossibus articulatur. |
a etc. | In utroque femore a ponitur, tria femoris ostendens capita. Cæterum in priori femore A notato, in elatissima appendice a posuimus. In femore uero B insignito, extra appendicem, ne forte quis solam appendicem hic caput coxendicis ossi inarticulum esse arbitraretur. |
b | Caput maxillæ inferioris dextrum. |
c | Caput tali, ossis quod cymbam refert sinum subintrans. |
d | Caput tali, tibiæ sinum subiens, quod et F notatur. |
e etc. | Aliquoties in pedis figura occurrit, capita notans pedij et digitorum ossium. |
f | Caput humeri superius, quod scapulæ articulatur. |
g g | Duo capita inferiora humeri, seu potius sedes quibus ulna et radius articulantur. |
h h | In utroque femore semel h ponitur, ceruicem capitis indicans quod coxendicis ossi immititur. |
i | Ceruix in inferiori maxilla. |
k | Ceruix in talo. |
l l | Ceruices pedij ossium. Ponitur autem l in II, et in IIII tantum, ne reliquæ ceruices obscurarentur. |
m | Ceruix in humero. |
n | Acetabulum in coxendicis osse, cui femur inarticulatur. |
o | Acetabulum in humero ; latitat autem o inter duo Y. |
p p p | Superficietenus exculpti sinus, qui in tarsi ossibus uidentur. |
q q | Pedij ossium minime extuberantia tubercula ; duo autem q tantum his ascripsimus, quod reliqua in umbra latitassent, et picturæ quoque obfuissent. |
r r | Supercilia in coxendicis osse, ad superiorem acetabuli sedem conspicua. Si forte in cartilaginibus has quoque ossium partes aut sedes contueri lubet, omnes quæ in cartilaginibus spectari possunt, effigies cartilaginum trigesimo octauo Capiti præpositæ commonstrabunt. |