uidelicet partes ad unguium figuram structæ, in sinus quibus concinne excipi possunt, inseruntur,Serrata compago.
Instar ungium commissura.
Asserum nerua
Limborum uaria insuitio[3] qua connexus serie arcarum seu lecticarum asseres subinde inuicem compingi cernimus.

Cæterum posteriores suturæ formam accuratius quam priores explicant. Quemadmodum omnium proxime eam assimilant, qui suturas ad limborum suturæ effigiem conferunt, quando, ut de unguibus diximus, panni unius flosculi in alterius sinus mutuis ingressibus consuuntur. Eiusmodi suturis ossa capitis magna ex parte compinguntur : et inter reliquas semper suturæ speciem elegantissime ea ostendit, quam Λ literæ in occipitio comparamus. Porro ἁρμονία ossium structura est per simplicem lineam, citra omnem tuberis, sinus et asperitatis mutuum ingressum commissa. Ad hunc modum quædam maxillæ superioris ossa, et præsertim nasi inter se iungi putantur. Cæterum quia harmoniæ connexus uix unquam ad amussim instar simplicis lineæ perficitur, sed nonnullæ asperitates mutuo ingredientes perpetuo fere cum ossa rumpuntur, in harmonia occurrunt, ueteres suturarum uoce etiam harmonias plurimum complexi uidentur.Σύμφυσις Σύμφυσις est naturalis ossium unio, qua commissuræ forma appendices suis ossibus connascuntur, in ætate quidem minoribus, quum ossa adhuc mollia fungosaque existunt, cartilaginis interuentu, in grandioribus uero, ubi iam ossa induruere, appendices citra alicuius corporis interuentum ossibus adeo uniuntur, ut coalitus lineam uix conijcere queas. Hac quoque unione ossa sacri ossis lateribus commissa inuicem in pube coalescunt. Dein admodum pueris utriusque lateris os tribus formari ossibus apparet : quæ tribus lineis in coxendicis ossis acetabulum concurrentibus interstinguuntur, ut etiam in agnis uidere est, in quibus cartilago lineas has sicut in pueris intercedit ; in paulo autem prouectioribus tres illæ partes adeo connascuntur, ut ne linearum quidem species se offerat. At de his ossibus, ipsis dicando Capite pertractabitur : quemadmodum et de uertebris, quæ in pueris quoque pluribus constant partibus, quemadmodum et occipitis os, et alia corporis pleraque, quæ alioquin unius ossis nomine ideo habentur, quod coalitus imago plane in ætate prouectioribus lateat. Libri Introductorij, seu Medici, qui Galeno ascribitur, author, ossium disciplinam instituens, non eiusmodi unionem, quam nos iam descripsimus, σύμφυσιν uocat, uerum suturas ad harmoniam quodammodo accedentes. Maxillæ enim superioris ossium commissuras, συμφύσεις (at non recte interim) appellat.Quorum beneficio ossa inuicem committantur. Omnes ossium constructæ species, aut alicuius aut nullius corporis beneficio committuntur. Vniuersi nanque articuli ligamentis inuicem alligantur, quæ orbiculatim ossa inuestiunt ; interdum uero et hæc in ossium medio consistunt, ut in femoris cum coxendicis osse articulato, et in uertebrarum corporum nexu.Ligamentorum. Συννεύρωσις. Hic ossium connexus ligamentorum auxilio commissus Græcis συννεύρωσις nuncupatur : nerui interim uoce ad ligamenta proprie dicta, et ad tendines neruosque qui a cerebro dorsalique medulla prodeunt, deducta. Hæc nanque omnia ueteres, ut et uulgus hodie, nerui nomine subaudierunt :Libro 2 de Partibus animalium, capite 9. et præcipue Aristoteles cum alias semper, tum maxime quum ossium contextum recenset.Carnis. Non nulla uero carnis etiam ope committuntur, ut generatim omnes articuli musculis obducti. Musculi enim quum ab uno osse aut alio corpore principium ducentes alteri inserantur, uinculorum etiam loco iure habentur, ossaque inuicem nectunt. Cæterum quia musculi ueteribus plerisque, et potissimum Aristoteli, carnis nomine appellantur, connexus qui musculis fit,Συνσάρκωσις. συνσάρκωσις[4] merito nuncupatur. Porro et dentes quoque in suis alueolis carne quapiam firmari uidentur, adeo ut ea quasi ratione ossium constructio reperitur, in qua caro non duntaxat musculorum modo connexum exterius ambiret, sed et interueniret quoque.Cartilaginis. Insuper alia cartilaginis medio connascuntur ; quippe appendices in prima ætate cartilaginis medio suis ossibus committuntur, quemadmodum et pubis ossa, et ossis υ imitatantis ossicula.Συγχόνδρωσις Hæc connexus species a cartilagine συγχόνδρωσις uocatur. Suturæ autem et harmoniæ nullius corporis beneficio quam ossium structuræ coëunt.Quæ nullius corporis interuentu committantur. Nam etsi duræ cerebrum inuestientes membranæ fibræ aliquot suturas transeant, non tamen ob id eas connectunt, quemadmodum neque cartilagines in articulis ossa oblinentes, ad ossium firmitatem et connexum quicquam auxiliantur. Præterea in senioribus appendices non amplius cartilaginis, quæ glutinis uicem subeat, ut, quemadmodum iam antea quoque dixi, coalitus regionem obseruare arduum sit.Quæ potissimum a Galeni placitis hoc Capite declinant. Institutum modo erat huic Capiti finem imponere, atque ad singulares ossium descriptiones sermonem dirigere, nisi magnopere Galeni authoritas me remoraretur : quæ merito prohibet, adeo leuiter ea quæ in præsenti Capite ab ipsius placitis deflectunt, prætergredi. Vt enim ex multis præter prius etiam commemorata, aliquid proponam, primum in libro de Ossibus, ubi is ex professo, et sui non mediocri in