[Illustration]
Hæc figura caluariam sinistro lateri magis incumbentem exprimit, ut et basis caluariæ in conspectum nonnihil ueniret. Aliquot suturarum causa, ab hæc figura os iugale serra ademimus. Cuiusmodi uero illæ sint, ex subsequenti characterum indice, ac ex huius et succedentium aliquot Capitum contextu, prompte intelliges. Præsens nanque figura maxillæ superioris ossibus cognoscendis, quibusdam ossium foraminibus ostendentis, etiam pulchre subseruit.
Præsens characterum index tertiæ ac quartæ figuræ communis erit, quod scilicet eidem fere characteres in utraque collocentur ; etsi casu quis aut tertiæ aut quartæ figuræ duntaxat peculiaris occurret, illi pro figuræ ratione, aut hanc notam 3, aut istam 4, in indicis contextu subijciam.
A, B | Coronalis anteriorue sutura earum quæ Λ transuersim ducuntur. Cæterum B et A in tertia medium notant coronalis suturæ, in sinistro latere consistens ; dextrum autem ipsius latus, quarta figura exprimitur. |
C, D | Posterior sutura transuersarum, quæ Λ Græcorum maiusculæ literæ assimilatur. In tertia huius suturæ sinistra pars conspicitur, in quarta uero dextra. Porro tertia figurarum integram ossium compagem experimentium, huius suturæ totam sedem ad B commonstrat, quæ ueræ suturæ persimilis est. Quippe de ipsius additamentis per capitis basim perreptantibus, atque in quinta et sexta iam subsequentibus figuris delineandis, alia est ratio. |
E 3 | Sutura a medio suturæ Λ referentis ad medium coronalis, seu a D ad B deducta. |
F | Squamosa conglutinatio, ac in tertia quidem figura uidetur sinistra, in quarta autem dextra. |
G | Dein in ambabus a C ad G interuallum conglutinationis notatur, a sutura Λ simili ad ueram conglutinationem squamæ formem pertingens, quod non mutuo incumbentium squamarum, sed ueræ suturæ constructionem ostendit. |
H | Quod uero a G ad H per F porrigitur, squamæ formis est conglutinatio, uerticis ossi et temporis ossi communis. Ab H autem ad A indicatur glutinatio squamæ formis, ossi uerticis et frontis ossi communis. |
I 3 | Sinistrum uerticis os. |
K | Dextrum uerticis os. |
L | Frontis os, quod unicum est. |
M | Occipitis os, similiter unum. |
N | Sinistri temporis os in tertia, dextri autem in quarta ostenditur. |
O | Os cuneo a dissectionis professoribus assimilatum, quod succinctiori nomine sæpius cuneiforme(uoces duntaxat sectantium uenia) appellamus. Hoc unicum est, et coniugis expers. |
P | Verum P priuatim notat huius ossis processus, quo uespertilionum alis comparabimus. |
2, 3, 4, 5, fig. 4 | Hi utrinque duo sint, in quarta figura conspicui et præter P, etiam numeris 2, 3, 4 et 5 notati, quos quinta huius capitis figura accuratius proponet. |