Q Q Q | Hoc os maxillæ superioris ossium primum erit, hic aliquot Q insignitum, ne forte sedem Q quod ad uicinius est notata, aliud os a præsenti esse arbitrareris. Linea inter duo Q consistens, * ac * insignita, processum eius ossis delineat, qui cauitatem in tempore exculptam ualde auget. |
R R R | Lenis in frontis osse et uerticis asperitas, a qua semicirculi ritu temporalis musculus pronascitur. |
S S | Quartum maxillæ superioris os : in tertia sinistrum, in quarta dextrum notatur. T incuria elapsum est |
V, X 3 | Caluariæ sedes, quam os iugale appellamus, ac sequenti Capite describemus. V hic notat processum temporis ossis, N indicati, ad iugalis ossis constitutionem eductum. X uero, processum primi maxillæ superioris ossis, Q insigniti. |
Z 3 | Z autem sutura indicatur, dictos nuper processus nectens, quibus iugale os efformatur. |
V, X 4 | Porro V et X in quarta figura notant sedes, a quibus processus illos serra resecuimus. |
aa | Suturæ cuneiforme os circumscribentis interuallum illi ossi ac temporis ossi commune. |
b | Suturæ cuneiforme os circumscribentis interuallum ipsi et frontis ossi commune. |
c 4 | Pars hæc cuneiformis ossis interdum peculiare uidetur ossiculum, squamæ modo tenue, et linea a cuneiformi osse diremptum, |
4 | quam indicauimus. Verum hæc non ita crebro offert. |
e | Suturæ cuneiforme os circumscribentis interuallum, ipsi et maximo superioris maxillæ ossi paulo ante S insignito commune. |
ff 4 | In quarta figura f conspicis, præsenti Capiti nihil seruiens : notatur enim sutura ossi Q indicati, et ossi S notati communis, quam cum reliquis maxillæ superioris suturis persequar. Hic enim obiter eius memini, quod huius uidendi gratia in quarta figura os iugale execuerim. |
gg | Sutura, frontis os a cuneiformi et maxilla superiori dirimens. |
h 4 | Sinus, cui capitulum inferioris maxillæ inarticulur. |
i | Temporis ossis processus, scriptorij stili modo prominens. |
k | Mammillaris processus, e temporis osse productus. Quarta figura utriusque processum k notat. |
ll 4 | Capita occipitij ossis, quæ primæ ceruicis uertebræ sinibus articulantur. In horum medio foramen occurrit, dorsalis medullæ causa cælatum. Verum ut præsenti Capite ossium foramina enarrare non instituimus, sic neque eadem hic characteribus insignienda duximus. |
f 4 | Quamuis priuatim in quarta figura f ponatur, ad quod a duodecimo Capite foraminibus dicando remitteris |
[Illustration]