[Illustration]
Hæc figura anteriorem caluariæ sedem exprimit, maxillæ superioris ossa, quam datum est accuratissime, ostensura. Humanæ autem caluariæ caninam subiecimus, ut Galeni superioris maxillæ ossium descriptio, leuiori negotio a quouis intelligatur. Præterea, ut oculorum sedes, ac in ijs apparentes suturæ ossaque, quoad fieri licet, spectarentur, hominis caluariam occipitio inniti, et anteriori sede super caninam erigi oportuit. Præsentis autem figuræ characterum indicem ita digeram, ut maiusculi Græcorum, maxillæ superioris ossibus (quæ sex utrinque erunt) primum adhibeantur : reliquis autem ossibus et suturis, ut sors fert, omnes accommodentur. Cæterum priores aliquot characteres ostendendis foraminibus capitis iuuabunt, quare etiam illi ad Caput his dicandum opportune reseruabuntur. Sunt autem illi A,B, usque ad I.
| I I | Frontis os. I etiam ponitur in oculorum sedibus, eam frontis ossis partem notans, quæ superiorem oculorum sedium regionem constituit. |
| K | Verticis os sinistrum. |
| L | Sinistri temporis os. |
| M | Mammillaris processus sinister, iuxta quem processus stylum referens etiam occurrit. |
| N | Cuneiforme os, in sinistri temporis cauo et in dextri oculi sede N insignitur. In sinistri autem oculi sede G et H reponuntur, idem os indicantia : quanquam illi characteres huius sedis foraminibus ostendendis peculiariter subseruiant. Ad hæc, N quoque reponitur ad intimum sinistri lateris dentem, notans cuneiformis ossis particulam, et dein suturam id os a superiori maxilla hac in sede diuidentem. |
| Γ Γ | Hoc os, nobis primum maxillæ superioris numerabitur. ac Γ in oculi sede positum, huius ossis partem notat, in oculi sede conspicuam. Circumscribitur uero id os præsentis figuræ a, b, Q, R, et P, quos characteres suis locis sensim explicabo. |
| Δ | In sinistri oculi sede Δ t antum apparet, superioris maxillæ secundum os indicans, quod terminatur sutura Δ et C literas proxime ac uelut orbiculatim ambiente, et quodammodo etiam X, V, c. |
| Θ | In sinistri quoque oculi sede Θ tantum occurrit, tertium maxillæ superioris os indicans, quod V, T, c et d intercipitur. |
36.
Liber I.
DE DVODECIM SVPERIORIS MAXILLÆ OSSIBVS, IN QVORVM CLASSEM NASI OSSA ETIAM REFERVNTUR. CAPVT IX.