[Illustration]
Præsens figura, caluariæ basim in hoc exprimit, ut palatum maxillæque superioris ossa in priori figura commonstraret. Huic autem permulti adsunt characteres, qui capitis ossibus suturisque enarrandis superius adiuuerunt. ac proinde quid illis indicetur, ex sexto Capite petas licet. Quamuis interim hic eos annotare operæ precium sit, quibus ad propositam enarrationem indigemus.
L | Hic modica ossis frontis portio in conspectum uenit. |
OOPP | Cuneiforme os. |
Q Γ | Hoc os prior quoque figura Γ notatum habet, estque primum maxillæ superioris os |
S Λ | Hoc os prior figura etiam Λ indicat, estque quartum maxillæ os. |
V X | Caluariæ sedes, quam os iugale Anatomes peritis uocari, iam antea dictum est. |
Y | Sutura, quæ duos processus os iugale efformantes committit. |
d | Hic latitat sutura, primum maxillæ superioris os a cuneiformi discernens : deinde et suturæ primum a quarto dirimentis pars, in temporis cauo conspicua. |
e | Sutura quarto maxillæ ossi et cuneiformi communis |
f | Suturæ primum maxillæ os a quarto separantis pars, in anteriori maxillæ regione apparens, ac priori figura ab a ad b indicata. |
g | Sutura frontis ossi et primo maxillæ ossi communis, quam superiori figura R insigniuimus |
Π | Sextum maxillæ superioris os |
q | Ab e uersus q sutura sexto maxillæ ossi et cuneiformi communis indicatur. |
Σ[11] | Septum narium, et sedes qua id a cuneiformi osse dirimitur |
t. u | A t ad u transuersa notatur sutura, sextum os maxillæ a quarto dirimens. |
x | Ab x ad t sutura indicatur, duo sexta maxillæ superioris ossa ab inuicem seiungens, et duobus illis ossibus communis. |
y | Sutura notatur recta per palatum ducta, et quartis maxillæ ossibus communis. |
ζ | Priuatim indicatur foramen in anteriori palati sede posteriorique dentium incisoriorum regione apparens, ad cuius latus interdum obscura occurrit sutura, transuersim aliquousque in |
α | quarto superioris maxillæ osse prorepens, et α insignita. |
Caractère inversé.