| ipsos descripsissem, perinde ac amplas cauitates in quartis maxillæ superioris ossibus ad narium amplitudinis latera repositas. |
[Illustrations]
Prima præsentis Capitis figura, anteriorem faciem exprimit ossis υimaginem referentis, una cum minoribus elatioribusue ipsius lateribus, et ossiculis, quæ his usque ad temporum ossium processus in styli modum efformatos connectuntur.
Altera figura, posteriorem ossis υ referentis regionem commonstrat, simul cum elatioribus costis : uerum interim illis ossiculis non delineatis, quæ ad processus styli speciem exprimentes pertingunt, priorique figura delineantur.
| ABC 1 | Grandius mediumque ossis hyoidis ossiculum, anteriori sede conspicuum. Verum A et B gibbam huius sedis regionem indicant. In horum characterum medio peculiare huius regionis apparet tuberculum * notatum. C autem indicat sinum transuersim oblongum, et in superiori medij istius ossiculi sede obuium. |
| D 2 | Posterior grandioris ossiculi sedes, sinuata et caua. |
| E F 1, 2 | Humiliora ossis hyoidis latera, quæ cum medio ossiculo figuram υ similem repræsentant |
| G 1, 2 | Connexus humilioris lateris, cum latiusculo grandiorique hyoidis ossis ossiculo. |
| H 1, 2 | Humilioris lateris apex, qui laryngis cartilaginis scutum exprimentis processui alligatur. |
| I K 1, 2 | Superiora hyoidis ossis latera, humilioribus longe tenuiora, magisque teretia. |
| L M N 1 | Tria ossicula, superioribus lateribus utrinque ut plurimum commissa. Cæterum ad hyoidis ossis inspectionem etiam faciunt præter quintam musculorum tabulam ad characterem L, priores aliquot figuræ duodecimi Capitis libri secundi ad A, B, C, D |
Ossis hyoidis situs et nomina Laryngis eminentissimæ parti os unitatis nomine comprehensum, sed uarijs multiplicibusque ossiculis extructum, præponitur, quod nonnulli a literæ υ figura ὑψιλοιδές, alij succinctius ὑοιδές appellant : qua voce dissectionum rudes delusi, in Galeno os suem referens uerterunt. Alijs rursum id os a Λ imagine λαμβδοειδές nuncupatur : quo etiam nomine interpretes decepti, suturam capitis Λ literæ similem uertere consueuerunt ; cujusmodi tamen mendas pro nostra uirili nuper ex Galeno, quem et Italia et Germania latinum dedit, subduximus. Herophylus quoque id os παραστάτης appellasse dicitur, forte quod linguæ, aut laryngi, aut faucibus apponatur, quemadmodum ipsi in organis generationi famulantibus quædam παραστάτης κιρσοειδής et παραστάτης ἀδενοειδής uocantur. Non desunt etiam, qui quum in faucibus consistat, id φαρύγγετρον nuncupauere. Nos uero passim id os υ referens, aut uoce contractiore hyoides nominare instituimus. Homo igitur hoc os longe aliter, quam quadrupeda, quæ hactenus aggressi sumus, extructum obtinet, ac maximum hyoidis ossis ossiculum est latiusculum, et foris gibbum, priuatoque tubere prominens : intus autem, seu posteriori sede, cauum. in anteriori etiam sede superius quasi in oblongum sinum deprimitur, pro figuræ nimirum ipsi idoneæ, et musculorum ligamentorumque illi commissorum ratione. Superiori enim sinui implantantur tertius et quartus huius ossis peculiares musculi :
55