uideantur. Ac nunc satius erit, et illis quoque uertebris peculiare Caput consecrare, hæcque inibi accumulatius persequi.
[Illustrations]
QVONIAM omnes lumborum uertebræ eadem forma constant, unam duntaxat ipsarum triplici facie hic expressimus : Prima quidem figura anteriorem uertebræ faciem, Secunda latus, Tertia posteriorem faciem proponentes.
A 1, 2, 3 | Appendix superior corporis uertebræ. |
B 1, 2 | Appendix inferior corporis uertebræ. |
C, D, E, F, G | His characteribus non in eadem figura obuijs, spina simul notatur, ac singuli priuatim in spina aliquid hunc in modum indicant. |
C 1, 2, 3 | Indicatur spinæ lumborum uertebræ superior pars, seu lata asperaque ipsius linea. |
D 2 | D latitat in umbra sub spina secundæ figuræ, notans lineam inferiorem spinæ. |
E 2 | E non procul a D distat, notans alterius lateris sinum, ad latus lineæ D insignitæ consistentem. |
F et G 2, 3 | Appendix spinæ, triangulum referens, ac in basi G, in acuto aut e angulo F insignitus. |
H 1, 2, 3 | Alterius lateris transuersus processus. |
I 1, 2, 3 | Ascendens alterius lateris processus. Verum K, L et M in secunda figura et tertia expressius alterius lateris ascendens notatur processus. |
K. L | K enim sinus insignitur. L uero anterius eiusdem sinus labrum seu supercilium, |
M | autem posterius supercilium. |
O 2, 3 | Descendens alterius lateris processus. O in tertia figura positum, eius processus tuberculum notat, seu caput. |
[Illustration]
Quo leuiori opera processuum hoc Capite priuatim describendorum sedem formamque assequaris, præsenti figura caudatæ simiæ lumborum uertebram dextra facie, expressimus. in qua A et A uertebræ illius notant corpus. B transuersum processum hic manifesto sursum spectantem. C spinam, quæ etiam