| L, priuatim indicant amplitudinem processus secundi ossis. R autem, et in hac, et in secunda figura ostendit processus transuersi quinti ossis tuberculum, cui nonnulla ligamenta implantari audies. | |
| M | In secunda itaque figura L, M, L et R transuersos processus ossis sacri ossium insinuant. |
| N N | deinde O O, postremo P Q Φ in secunda figura ossis sacri dextrum sinum notant, cui dextrum ilium, aut (ut alijs forte placebit) ilis os connectitur, et qui postmodum in plures sinus et tubera subdiuiditur. N enim et N notatur ipsius oblongus sinus, et anterior. O uero et O tuberculum indicant instar amplæ cuiusdam lineæ prominens, ac anteriorem sinum N et N notatum a posteriori P, Φ et Q insignito dirimens. P enim superiorem sinus posterioris sinum notat. Q autem inferiorem. Φ uero tuberculum designat, superiorem sinum P notatum ab inferiori sinu Q insignito interdiuidens. |
| S | In prima et secunda figura, primi ossis dexter ascendens processus notatur. |
| T, V, X | Hi characteres in secunda figura tantum apparent. ac T quidem notat sinum ascendentis processus, S indicati, cui tuberculum descendentis dextri processus quintæ lumborum uertebræ inarticulatur. V uero et X, sinus huius anterius posteriusque notant supercilium. quanquam interius etiam supercilium in secundæ figuræ ascendente sinistri lateris processu, X insigniuimus. |
| Y | In secunda figura connexus frequenter apparens significatur, quo primi sacri ossis descendentes processus ascendentibus secundi ossis ad eum modum committuntur, quo hac sede lumborum uertebras articulari, iam multo antea didicisti. |
| Z | In prima secundaque figuris connexus notatur transuersi processus primi ossis, cum transuerso secundi ossis processu. |
| a | In prima figura et secunda, indicatur inferior extuberansque sexti ossis pars, quæ primo coccygis ossis ossi coarticulatur. |
| bb | In tribus figuris insinuatur cartilaginosum ligamentum, coccygis ossis commissuras intercedens. |
| c | In secunda et tertia insignitur cartilago, mucroni coccygis ossis adnata. |
| dd | In secunda sacri ossis ossium spinæ, posterioresue processus ostenduntur. |
| e, f, g, h, i, k | Hi characteres in secunda figura admodum latitant, notantes dorsalis medullæ in osse sacro iter, foraminaque hic inter spinarum interualla subinde conspicua. |
| 1, 2, 3, 4, 5, 6 | His numeris in prima et secunda inscribuntur foramina neruorum a dorsali medulla in sacro osse complexa originem ducentium, quæ sex constituunt paria, in anteriori ac posteriori sacri ossis sede excidentia. Horum primum par inter primum os sacri ossis et quintam lumborum uertebram exilit, ipsiusque sedes 1 insignitur. Secundi autem paris foramen inter primum et secundum os consistens 2 indicatur : et ita seriatim reliqua suis numeris ostenduntur. |
[Illustrations]
Quoniam in præsentis Capitis contextu, Galeni gratia simiarum et canum sacri ossis et coccygis mentio incidet, non ab re duximus, et hic quoque ea ossa, uti in simijs obseruantur, exprimere : quarta quidem anteriorem sedem sacri ossis, et dein coccygis explicantes : quinta uero eorundem ossium posteriorem sedem. Numerus igitur ille 1,2,3, etc. sex indicat ossa quorum tertio cartilago priuatim subnascitur. Neque est quod hæc ossa prolixius characteribus depingam, quum illa ex humanis ossibus prompte intelligantur.
80