| cui ligamenta articuli inseruntur. Verum D externi huius capitis anterius caput indicat. E uero posterius, quod in secunda figura magis quam in prima est conspicuum. | |
| F, G | Duo isti characteres in prima, et G in secunda, sinum indicant patulum, qui interius caput ab exteriori dirimit. Reliquum characterum Indicem ponendis modo figuris subijciemus. |
[Illustration]
[Illustration]
| H, I 1 | Sinus externum caput in duo diuidens, ac externo capiti anterioris musculi cubitum flectentium paratus. Ac H quidem ipsius sedem in appendice notat, I uero eam quæ in humeri ceruice consistit. |
| K, L, M 1, 2 | Humeri rotula, ad quam ulna flectitur et extenditur. ac K quidem sinum rotulæ notat, L uero et M sinus latera, et L rursus internum latus, M autem externum. |
| N 1 | Sinus ad rotulæ superiorem partem in humeri anteriori sede incisus. |
| O 2 | Sinus ad superiorem rotulæ partem in humeri posteriori sede admodum alte excauatus. |
| P 1, 2 | Humeri caput seu tuberculum, cui radius articulatur. In prima figura huius Capitis pars apparet, quæ cartilagine incrustatur. In secunda uero ea pars, cui radius non committitur, uerum musculorum exortui eleganter subseruit. |
| Q 1, 2 | Hac sede humerus ad magnum ipsius longitudinis interuallum instar acutæ lineæ protuberat |
| R 2 | Sinus in hoc externo humeri capite quartis manum petentium nerui gratia exculptus. |
| S 1,2 | Internum humeri tuberculum |
| T 1 | Sinus anterioris tuberculi, tertio neruo manum adeuntium paratus. |
| V 2 | Sinus interioris tuberculi, in quo quintus brachium petens neruus uehitur. |
| X, Y, Z 2 | Posterior humeri sedes. ac X quidem notat partem superiorem, quæ sinuata est : Z uero inferiorem, quæ gibba cernitur., Y impressionem indicat, ad quam quartus neruus brachium accedens reuoluitur. |
| a,b,c,d, 1 | Anterior sedes humeri, in qua b insinuat prominentem extuberantemue eius partem : a uero et c locum, qui utrinque ad hanc protuberantem partem deprimitur. Deinde tres isti characteres simul notant anterioris humeri sedis inferiorem partem sinuatam : d uero superiorem, quæ gibba uisitur. |
| e 1, 2 | Asperitas iuxta externum latus anterioris sedis humeri consistens. |
| f 1 | Asperitas in anteriori humeri sede conspicua, ad radicem sinus externum caput musculi deducentis, qui cubitum flectentium anterior recensetur. |
104