-dicis sinu x, y et z indicandum pronascitur. In secunda uero partem notat, qua cartilago radij appendici adnascitur. In tertia, cartilaginis sedes indicatur, brachiale respiciens. In quarta cartilaginis sedes ulnæ incumbens. | |
V 2, 6, 10 | Sinus in ulnæ appendice et ossis ulnæ cui appendix adnascitur, sede in hoc paratus, ut alterius brachiale extendentium in musculi tendinem deducat. |
X, Y ,Z | Hi tres characteres in sexta, et X ac Z in secunda triangulum circumscribunt, qui in ulna excarnis gibbusque est. Verum Z priuatim trianguli uerticem notat. |
a,a 1, 2, 6 | Prima protuberans ulnæ linea. |
b,b 1, 2, 5 | Secunda protuberans ulnæ linea. |
β | Verum β priuatim in prima et quinta figuris huius lineæ sedem insinuat, oblique secundum ceruicem ulnæ ductam. |
c,c 1, 2, 5 | Tertia protuberans ulnæ linea. |
d 1, 6 | Vlnæ latus prima linea et secunda circumscriptum. |
e 2, 6 | Vlnæ latus prima et tertia linea circumscriptum. |
f 1, 5 | Latus ulnæ inter secundam lineam et tertiam consistens. |
g, g 2, 6 | Linea lateri illi peculiaris, quod prima linea tertiaque continetur. |
h, i 1 | Duo hi characteres sedem utranque notant, qua radius ulnæ coarctatur. ac h quidem sedes indicatur superior, et humero proxima, i uero inferior, et brachiali contermina. |
k, k 1 | Tota hac sede (eo quod radius arcuatim obliquatur) duo cubiti ossa inuicem dehiscunt. |
l 5, 11 | Sinus ulnæ incisus, in quo radij capitulum uoluitur. |
m 3, 4, 9 | Radij capituli sedes, quæ ulnæ sinui, l insignito insidet. |
n 1, 3 | Inferioris radij appendicis interior sedes notatur : in reliquis autem figuris, secunda nimirum, quarta, septima et octaua exterior sedes ostenditur, alijs characteribus ornata. |
o 7 | Sinus in radij exculptus appendice, in quo ulnæ appendix excipitur. |
p 5, 10 | Protuberans ulnæ appendicis pars, radij sinum o indicatum ingrediens. |
q 1,2,3,4,9 | Amplus abruptusque radij processus, cui tendo musculi cubitum flectentium anterioris inseritur. |
r, r 1, 2, 3, 4 | Acuta radij linea ipsius inferna sede, qua secundum cubiti longitudinem ulnam respicit, extuberans. |
s,s 1, 3 | Internum lineæ r prius insignitæ latus |
t,t 2, 4 | Externum lineæ r indicatæ latus. |
u 2,4 | Hac sede radius asper est, ut duo, ex quatuor ipsi peculiaribus musculis, hic ualidius insererentur. |
x,y,z 1, 8 | Sinus in radij appendice, articulando brachiali incisus. Et z quidem notat tuberculum sinus nonnihil prominens, et sinum ipsum ueluti geminum constituens, cuius partes x et y indicari possunt. |
α 1,2,3,4,6,7,8 | Radij appendicis maxime prominens portio, quæ sinum cui brachiale articulatur superiori aut interiori sede adauget, et procerius quam appendicis ulnæ processus stylum referens, ac R insignitus, protuberans. |
γ, δ, ε, ζ, η | His characteribus in secunda et quarta figuris gibba externaque inferioris radij appendicis regio cum ipsa ossis sede cui appendix coalescit, notatur. et singuli characteres, huius sedis priuatim sinum indicant. γ quidem primum sinum, δ secundum, ε et ζ tertium, η quartum. |
θ | In secunda autem figura θ sinum indicat radio ulnæque communem. |
Cubitus Vniuersa pars inter brachium et brachiale consistens, Græcis πήχυς, Latinis uero Cubitus appellatur ; hæc duobus constat ossibus inuicem incumbentibus et coarticulatis, quorum inferius, quod et longius est, πήχυς quoque et Cubitus nuncupatur. Ne autem homonymia sermoni aliquid obscuritatis conciliet, quoties integræ duobus illis ossibus extructæ partis cum ligamentis, uenis, arterijs, neruis, membranis, et cute, mentio incidet, Cubiti uoce utendum duximus, inferius quidem os Vlnam, superius uero Radium (uti hactenus fecimus) toto sermonis contextu nuncupaturi.Vlna. Radius. Duo hæc ossa longa sunt, et omni propemodum ex parte inter se uaria. Primum itaque inferiori humeri sedi diuersa prorsus articuli specie coarctantur.Vlnæ ad humerum articulatio, et ipsius hic processuum et sinus descriptio. Vlna enim ad humeri orbitam rotulamue aptis in hoc exculpta sinibus, et idoneis donata processibus articulatur. In superiori nanque ipsius sede, qua admodum crassa solidaque, et appendice non minus quam humeri inferior sedes, destituta est, duos insignes adipiscitur processus, quorum alter altero prior anteriorue habetur ; ac anterior quidem is est, qui sinum in anteriori humeri sede ad elatiorem rotulæ regionem exculptum spectat, suisque tuberibus illi sinui ad amussim congruit. est enim processus hic am