L 1 | Hinc secundus et tertius pariter pedem mouentes musculi exoriuntur. |
M 1 | Huic interni capitis sedi, quinti femur mouentium musculi tendo inseritur. Reliquorum autem characterum indicem figuris subijciemus. |
PRIMA TRIGESIMI CAPITIS FIGVRA DEXTRI FEMORIS OS POSTERIORI FACIE DELINEATVM REFERENS.
SECVNDA FIGVRA, FEMORIS DEXTRI ANTERIOREM FACIEM OSTENDENS
N 1, 2 | Sinus in externo inferiorum femoris capitum exculptus latere, ac quartum tibiam mouentium musculum uehens. |
O 1 | Hac sede internum latus interioris femoris capitis compressum est, ut hac tendines primi, secundi, tertij et quinti tibiam mouentium musculorum porrigerentur. |
P 1 | Hac regione idem interioris capitis latus insigniter protuberat. |
Q, R, S, V, X, Y | Exterior femoris processus. uerum singuli characteres non in utraque figura simul obuij aliquid priuatim, ut modo subijciam, indicant. Q quidem in prima et secunda coalitum huius processus appendicis ad reliquum os, R in prima sinum internæ præsentis processus sedi cælatum. |
T, T. | S in prima figura exterioris processus prima indicatur impressio. Cœterum T, T in prima, insignitur aspera linea deorsum a prima impressione ducta : V in secunda, exterioris processus secunda impressio : X uero, tertia impressio. At Y in ambabus figuris quarta indicatur impressio. |
a, b, 1, 2 | Interior femoris processus. Verum b priuatim in secunda, hic appendicis coalitum indicat. |
c, c 1 | Linea aspera, a radice interioris processus deorsum oblique gratia octaui femur mouentium musculi procedens. |
d, d 1 | Linea secundum femoris longitudinem protuberans, et quinti femur mouentis musculi insertionem admittens. |
E 2 | Hac sede femur amplum est, quum interim reliqua fere longitudine teres sit. |
f, f 2 | Aspera sedes, a qua octauus tibiam mouentium musculus sui exortus initium ducit. |