| lus. Cæterum i in secunda, tertia, nona, et decima eundem appendicis processum notat. | |
| K 4, 10 | Sinus interioris malleoli, ex quo cartilagineum ligamentum talo inseritur. |
| l 1, 3, 9 | Sinus asper et inæqualis in anteriori sede inferioris appendicis tibiæ ossis conspicuus, a quo ligamentum cartilagineum ad tali ceruicem pronascitur. |
| m 2, 4, 10 | Hac sede sinus spectantur, qui tres tendines ad pedis inferiora protensos deducunt. |
| n 2, 5, 6, 9 | Equidem in prima figura externum notat malleolum ; is namque aliud nihil est, quam inferior fibulæ appendix. Verum n in plerisque figuris hunc malleolum exprimit. |
| o, p, 1, 5 | Vmbrata hæc fibulæ sedes ab o ad p usque pertinens, ea fibulæ pars est, quæ nuda nullisque musculis recta ante sectionem se offert. |
| q, q 2, 6 | Hac septimi et octaui musculorum pedem mouentium tendines reflectuntur, quorum occasione fibula hic sinuata est. |
| r 2, 6, 11 | Sinus inferioris fibulæ appendicis, a quo ligamentum in talum fertur. |
| s, s 1, 5 | Prima fibulæ linea, seu primus eiusdem angulus. |
| t, t 1, 2, 5, 6 | Secunda fibulæ linea. |
| u, u 1, 2, 5, 6 | Tertia fibulæ linea. |
| x, x 1, 5 | Primum fibulæ latus. Verum x et x priuatim huius lateris lineam indicant, inibi gratia musculi pollicem extendentis modice prominentem. |
| α α 1 ,5 | Secundum fibulæ latus. |
| β β 2, 6 | Tertium fibulæ latus. |
| γ γ 1, 3 | Prima tibiæ ossis linea. |
| δ δ 1, 2, 3, 4 | Secunda tibiæ ossis linea. |
| ε ε 1, 2, 3, 4 | Tertia tibiæ ossis linea. |
| ζ ζ 1, 3 | Primum tibiæ ossis latus. |
| η η 1, 3 | Secundum tibiæ ossis latus. |
| θ θ 2, 4 | Tertium tibiæ ossis latus. |
| κ κ 2, 4 | Aspera tertij tibiæ ossis lateris linea, cui musculus in poplite latitans inseritur. |
Tibia. In tibia similiter atque in cubito, bina reponuntur ossa, quæ Hippocrates perpetuo tibiæ ossa appellat ; ac horum alterum interius est et crassius, quod totius membri nomine κνήμη, et tibia nuncupatur :Fibula. Tibiæ os. alterum uero exterius locatur, et interiori crassitie admodum cedit, Græcis quidem περόνη, Latinis autem sura et fibula uocatum. Ego euidentioris doctrinæ studio crassius os, tibiæ os appellabo, id a tibia, hoc est toto membro distinguens, quod his ossibus, musculis, uenis, arterijs, neruis, et cute hæc omnia ambienti formatur. Gracilius autem os fibula opportune dicetur, ut id a sura, quam Græci, quia ueluti tibiæ uenter est, γαστροκνημία nuncupant, distinguatur.Tibiæ ossis et fibulæ appendices. Tibiæ itaque ossi et fibulæ supra infraque appendix coalescit, ac superior quidem tibiæ ossis appendix admodum crassa lataque est, anteriori tamen sede crassior, ac in anteriori tibiæ regione magis quam in posteriori deorsum duci cernitur. Huic duo oblongi insculpuntur sinus, inuicem aspero inæqualique tubere distincti, et lubrica cartilagine incrustati.Sedes cui femur ad tibiam articulatur. His sinibus inferiora femoris capita excipiuntur. Tuber autem sinus distinguens, grandem sinum subit, femoris capita posteriori in sede dirimentem. Dein tuber ex superiori mediaque ipsius sede, quæ aspera et sinuata, neque ulla cartilagine inuncta uisitur, ualidissimum emittit ligamentum, nuper dicto femoris capitum interuallo sinuiue insertum. Adeo sane, ut media huius tuberis sedes in hoc aspera sinuataque sit, quo fœlicius ligamenta in femur porrigat, hæc e maxime protuberante sua sede, ac deinde ex posteriori ipsius regione educens. Ab anteriori nanque tuberis regione, quæ minimum prominet, etiam si illa similiter aspera sit, ac late sinuata, nullum tamen ligamentum femori inseritur, sed ligamenta inibi producuntur, quæ cartilagines anteriori huius tuberis sedi colligant, quas tibiæ ossis sinus iam augere dicam.Cartilagines quibus tibiæ ossis sinus augentur.
Libro 3 de Vsu partium et in Commentarijs in Hippocratis librum de Fracturis. Quum enim duo tibiæ ossis sinus femoris capita admittentes, quodammodo superficietenus duntaxat insculpantur, neque ad amussim femoris capitum gibbis (etiam si Galeno secus uisum fuerit) suis cauis respondeant, Natura mirabili artificio sinuum profunditatem adauxit ; quippe præter lubricas cartilagines tibiæ ossis sinibus et femoris capitibus crustæ modo obductas, utrique sinui unam adhibuit cartilaginem, neque femori, neque tibiæ ossi aliter quam ligamentorum beneficio connexam. Hæc nanque orbiculatim ligamentis genu articulum amplexantibus solum connascitur, et præterea ligamenti interuentu anteriori posteriorique sedi tuberis connectitur, quod tibiæ ossis sinus femoris capita excipientes dirimere dictum est. Istæ cartilagines exacte simplici cartilagine molliores sunt, et quasi ligamenti naturæ participes. Dein qua ossibus applicantur, impense æquales, lubricæ, læues, ac denique unctuoso humore oblitæ spectantur. Ad hæc, in articuli ambitu crassæ sunt, multo ante
138