[Illustrations]
Prima figura integram dextri pedis ossium struem superiori facie exprimit. Secunda dextri quoque pedis ossium compagem ea sede delineatam proponit, qua stantes innitimur. Tertia dextri pedis talus anteriori facie ita oculis subijcitur, ut ipsius superior pars in conspectum ueniat. Quarta, eiusdem tali inferior sedes ab anteriori facie exprimitur. Quinta, talus ab interno latere spectatur. Sexta talum conspiciendum offert externo latere designatum. Septima, dextri pedis calcis os interiori sede ita exprimitur, ut externum ipsius latus magis quam internum appareat. Octaua, calcis os ab interno latere ostenditur. Nona calcis ossis externum latus commonstrat, et perinde ac duæ præcedentes, superiorem calcis sedem depictam exhibet. Decima, pedis os cymbam referens anteriori facie, qua tarsi ossibus committitur, delineatum cernitur. Vndecima eiusdem ossis posteriorem refert sedem. Duodecima, quatuor tarsi ossium simul nexorum anterior facies conspicitur, cui pedij ossa coarctantur. Decimatertia, quatuor tarsi ossium posterior facies spectatur, quæ calci et ossi nauiformi est contermina.
| Γ , 1, 2 | Talus |
| Δ 1, 2 | Calx. |
| Θ 1, 2 | Cymbam referens os. |
| 1, 2, 3, 4 | His numeri characteribus in prima figura, secunda, duodecima et decimatertia quatuor tarsi ossa indicantur, quibus ab inscripto numero nomina imponimus. hoc primum, illud secundum, atque ita deinceps appellantes. |
| I, II, III, IIII, V | Quinque pedij ossa in prima figura notantur, quæ in secunda etiam citra characterum appositionem sunt conspicua. |
| Λ, Ξ 1, 2 | Digitorum pedis ossa. |
| A, B, C, D 3, 5, 6 | His quatuor characteribus tali tuber notatur, tibiæ ossis inferiori appendici articulatum. ac A quidem ad B primam huius tuberis costam seu latus indicat. C uero ad D secundum, et A ad C tertium, B autem ad D quartum. |
| E, E 3 | Sinus tuberis tali, secundum ipsius longitudinem insculptus. |
| F, F 3 | Duæ tali tuberis partes, elatius quam sinus E indicatus prominentes. |
| G 5 | Internum tali tuberis latus, quod compressum et cartilagine incrustatum, interno malleolo committitur. |
| H 6 | Tali tuberis sinus externo ipsius lateri insinuatus, qui cartilagine similiter obductus, externum malleolum excipit. |
| I 5 | Sinus tali asper, cui ligamentum cartilagineum ab interno procedens malleolo inseritur. |
| K 6 | Tali sinus, cui ligamentum cartilagineum ab externo malleolo pronatum inseritur. |
| L, M 5, 6 | Duo sinus, quos posterior tali regio uersus internum latus spectandos exhibet, qui deducendis reflectendisque musculorum tendinibus parantur, hac pedis inferiora subeuntibus. |
| N 3, 4, 5, 6 | Tali ceruix. |
| O 3, 4, 5, 6 | Tali caput, ossis cymbam referentis sinum subiens, qui undecima figura k indicabitur. |
| P 7, 8, 9 | Calcis ossis tuber, caput ue cartilagine obuolutum, et in tali sinum Q notandum ingrediens. |
| Q 4 | Tali amplus sinus, calcis caput P iam indicatum admittens. |
| R 7, 8, 9 | Calcis ossis sinus, cui inferior tali capitis sedes S iam indicanda articulatur. |
| S 4 | Inferior tali capitis, quod ossi cymbam referenti articulatur, sedes, calcis sinum subiens. |
143