| T, T 4 | Asper tali sinus, ex quo cartilaginea ligamenta calci inseruntur. |
| V, V 7, 8, 9 | Asper calcis sinus, cui cartilaginea ligamenta ex nuper dicto tali sinu immittuntur. |
| X, Y, Z 2 | Calcis ossis sedes, quæ pede in terram firmato, deorsum spectat. Verum Y, et Z in secunda, et Y in octaua, et Z in nona priuatim huius sedis processum notant, musculis quibusdam educendis aptum, et propinquius reliqua calcis sede terræ innittentem. |
| a, b 7, 8, 9 | Ab a ad b superioris calcis sedis interuallum notatur, a posteriori tali regione ad posticam calcis deductum. |
| c 2, 8, 9 | Postica calcis sedes. |
| d, e 2, 8 | Internum calcis latus. Verum e priuatim sedem notat, qua tendines hac pedis inferiora petunt. |
| f, g 1, 7, 9 | Externum calcis latus. Verum g separatim huius lateris regionem insinuat, cui septimi et octaui pedem mouentium musculorum tendines exporriguntur. |
| h, i 7 | In septima figura anterior calcis sedes est conspicua. et h quidem eius sedem indicat, quæ talo committitur. i uero eam notat, quæ ossi tesseram, seu cubum imitanti articulatur. Est itaque i depressum calcis caput, sinum ossis cubum imitantis subiens. Atque id caput in nona etiam est conspicuum. |
| k 11 | Admodum profunde exculptus ossis cymbæ imaginem ostendentis sinus, tali caput O signatum suscipiens. |
| l, m, n 10 | Anterior ossis cymbæ assimilati sedes, tres perquam leuiter prominentes commonstrans superficies, quibus tria interiora tarsi ossa coarticulantur. |
| o, p 11 et o in 10 | Superior ossis cymbam referentis sedes, qua pedis superiora spectat. |
| q, r 10 et q in 11 | Inferior ossis cymbam referentis sedes, terram intuens. Verum q priuatim huius sedis sinum indicat, quo sextus pedem mouentium musculus deducitur. |
| s, t, u 13 | Tres planæ quodammodo superficies trium interiorum tarsi ossium, quibus hæc ossi cymbæ simili coarticulantur. |
| x 13 | Ossis cubum referentis sinus in superficie leuiterque cælatus, quo calci id articulatur. estque hic sinus huius ossis unum latus. |
| α, β 12 | Ossis cubum referentis sedes, cui pedij os anularem suffulciens digitum, et illud quod minimo præponitur, planis superficiebus coarctantur. estque hæc sedes secundum latus ossis cubo similis. |
| γ 12, 13 | Tertium ossis cubo assimilati latus, quod et os cymbam exprimens respicit, tertioque tarsi ossium coarctatur. |
| δ 12, 13 | Quartum ossis cubo a dissectionis professoribus comparati latus, externam pedis sedem spectans. |
| ε 12, 13 | Quintum eius ossis latus, in pedis superiori consistens superficie. |
| ζ, η 2 et ζ in 13 | Sextum illius ossis latus, terræ innitens. Verum η peculiariter ipsius indicat sinum, ad quem septimi pedem mouentis musculi tendo reflectitur. |
| θ 13 | Processus tertij tarsi ossium, quod ossi cubum referenti articulatur, in hoc prominens, ut ipsi quintus pedem mouentium musculus inseratur. |
| 12 | Sedes intimi tarsi ossium, cui pedij os pollici præpositum articulatur. |
| κ 12 | Huic secundi tarsi ossis sedi, pedij os indicem sustinens coarctatur. |
| λ 12 | Huic tertij ossium tarsi sedi, os pedij articulatur, cui medius innititur. |
| μ 1, 2 | Ossiculum ad externum articulationis latus obuium, quo pedij os paruo præpositum digito, ossicubum exprimenti committitur. |
| ν, v 1, 2 | Interualla, sedesque, quibus pedij ossa inuicem dehiscunt. |
| ξ, ξ 1, 2 | Capitula pedij ossium, sinus primorum digitorum ossium subeuntia. |
| π 2 | Processus pedij ossis pollicem suffulciens, cui septimi pedem mouentis musculi tendo implantatur. |
| ρ 2 | Processus appendicis superioris pedij ossis minimo præpositi, in hoc potissimum prominens, ut octaui pedem mouentis musculi insertionem excipiat. |
| σ, τ, υ 1, 2 | Tria indicis ossa. atque eadem ratio medij, anularis, minimique est. |
| φ, χ 1, 2 | Duo pollicis ossa. |
| ψ, ω 2 | Duo ossicula pedij ossi pollicem sustinenti supposita. |
| * 2 | Ossiculum secundo pollicis internodio præpositum. Reliqua autem sesamina ossicula in primis digitorum articulis nullis notis insigniuimus. |
144