Recte nimirum veteres non parum interesse iudicarunt, vir doctissime, qua quis ratione in artibus ac scientis versaretur, hoc est, exactamne in illis seruaret methodum, et a primis ad secunda, ac sic deinceps ad proxime semper consequentia debito transiret ordine, an vero prout unumquodque se casu obtulisset, ita vel primum, vel secundum ab eo haberetur. Quod cum tu minime ignorares, meque aliquot ab hinc annis, Medicinæ studio operam daturum intelligeres, operæ pretium fore duxisti, præclarissimam quandam longeque utilissimam studendi in arte Hippocratica mihi præscribere rationem, cui quidem summa, qua potui, diligentia semper insistens, mirum dictu, quanto meo commodo, nullisque adeo ambagibus, ad eam tandem peruenirim Medicinæ partem, quæ curatiua dicta cæteris,