existimauerit, ut illis qui solis duntaxat libris fidem tribuentes, quo Galenum nullos prorsus anatomicos, uti nec alios ullos, lapsus commisisse ostendant, nescio quæ scripta iam toto fere trienno (nisi et ante fratris librorum editionem incœperint) consarciunt, materia suppeditetur, qua singula quæ is seriatim[4], ac quasi sub locis communibus nunc prosequitur, ordine diluant : neque solum in Galeno laudando, uel calumnijs conuicijs'ue ob repertam nunc ueritatem describendis occupentur. Tua enim liberalitate, de qua fratrem inter multos non semel gloriantem audiui, et ad prouehenda studia alacritate factum est, ut hæc omnia in tua Pisarum academia fuerint in corporum dissectionibus ab illo studiosis demonstrata : et ipse conscius es, quam præsentibus corporibus eruditissimi, et ad Galenum purgandum paratissimi medici ac philosophi, in fratris sententiam descendere fuerint coacti. Imo spes aliqua studiosis affulgere debet, illum aliquando in tuam academiam rediturum, et medicinæ professioni corporum dissectiones adhibiturum : quo tanquam ad liberum, quem de disciplinis concertaturis præbes, campum, scribas hos, si modo tandem e multis (quorum nonnulli turpiter ab incœpto destiterunt[5]) aliqui sese deproment, confugere uelim, ut perinde ita taciti ex fratris dissectionibus redirent, atque quosdam medicos in illius sententiam pedibus et manibus descendere uidi, quum aliquando Patauij mensibus aliquot commoratus, illi anatomica frequentissimo cœtu docenti adessem. Quanquam et ego nunc, qui subinde Iuris studio contra animi ad medica procliuis sententiam, a parentibus adhibitus, et rursus ab illo semper resiliens, multisque peregrinationibus, quibus nihil præter uariam linguarum peritiam com-