Ms BIU Santé no 2007, fo 28 ro.
Clarissimo viro D.D. Christiano Buncken, Doctori Medico Hamburgensi.
Vir clarissime,
Postremas tuas accepi datas 1. Oct. 1653 propria manu
eruditissimi juvenis Germani, D. Garmers, quem frustra mihi commendasti, cùm sit ille mihi charis-
simus, et jampridem commendatissimus ab alio, eòque singulari amico D. Car. Sponio, Medico
Lugdunensi. Liberè dicam et paucis, nulla indiget commendatione tantæ virtutis adolescens : vix unquam
novi in hac ætate quemquam tot meritis ornatum : ideòque non est quod illum pluribus mihi
commendes. Antehac Te scripsi, et Hamburgum literas meas direxit mercator quidam
nostras amicus meus dictus D. Piques, quas spero Tibi tandem redditum iri, cùm sis reversus pedem retullis
in patriam. Ex tuis unam accepi per alterum amicum meum D. Volcamerum, Med. Noribergensem.
quibus respondi : sed forsan perierunt illæ : esto, alias posthac scribemus, quæ tutiùs Tibi
reddentur, cùm sis in posterum Hamburgi Medicinam facturus : sed dum rogo, cùm rescribes, utile charta
optima, non bibula aut emporetica, qualis est postrema illa tua, in qua vix quidquam legibile est.
Dominus Garmers jam vidit Riolanum : faciam v. ut alijs innotescat, præsertim v. Moræo,
Blondello, et alijs eruditis : operationum quoque chirurgicarum administrationibus intererit, etc.
Ab eo tempore quo nos reliquisti, Riolanus noster scripsit tres libros in lucem emisit : quorum
1. est Curieuses recherches, etc., 2. Opuscula Anatomica varia et nova continet, varijs de rebus,
in quibus legitur Responsio ad Slegelium vestratem, p.m. de cujus obitu seriò doleo. 3. qua-
tuor tractatus continet adv. Th. Bartholinum, amicum meum, Responsionem nempe ad librum
illius de lacteis thoracicis : de vasis lymphaticis : ad Dubia Aanatomica de lacteis thoracicis : et
novas Animadversiones ad Anatomiam reformatam postremæ editionis : quæ singula hîc
habeo parata ut Tibi mittantur si certam viam indicaveris : sin minùs, ex ijs et alijs Academicis
fasciculum adornabo, quem tradam D. Garmero, tibi transmittendum. Noster Riolanus licet admodum
senex, nunc totus est in alio opusculo quod viris bonis et cordatis plurimum placebit. Filius meus officiosis-
simè Te salutat ; à triennio Doctor, sed nondum in operibus artis confirmatus. Vale vir cl. et me ama.
Parisijs 7. Nov. 1653. Tuus ex animo Guido Patin, B. Doctor Med. Paris.
