Ms BIU Santé no 2007, fo 72 ro.
Clar. viro D.D. Vander Linden, Medicinæ D. et Prof. Leidam.
Ecce per cursorem ordinarium, fasciculum tuum accipio, vir Cl. in quo
duas tuas, alteram 28. Martij scriptam, alteram 8. Augusti, deprehendi ;
cum alijs duab. nostri nempe Amici, D. Utenbogardi, et alterius Medici,
pro quib. singulis gratias ago amplissimas. Vester D. Romphius jampri-
dem ad vos reversus est : ubi v. nunc hæreat, certè nescio. Libros nostros
quod acceperis vehementer lætor : quod si inter illos, Sim. Stehi non
inveneris, certè miror nec scio quî factum sit istud : sed in primo fasciculo
non deerit. Quod requiris à D. Fouquet, super MS. Archigenis, περι
υποδραμ. αιμ. non est quod quidquam speres : ejus Bibliotheca nulli patet,
nequidem sibi : factus est per Card. Mazarini beneficentiam, summus
ærarij regij præfectus, ex quo munere, negotiorum totius regni mole ob-
ruitur, pro utraque dignitate, quæ sibi invicem ex diametro adversantur :
quatenus Procurator generalis in Senatu Paris. Senatus ipse conqueritur,
^ quod dignitatem/ illam suam retinet/ quidem, sed munere/ suo non fungatur :
quatenus ærarij regij summus Præfectus, nequidem se videndum præbet viris
Principibus : non puto Tibi ignotum esse quanti sit apud nos pretij atque
dignitatis ipsa Diva pecunia : Et genus et formam Regina Pecunia
donat : tempore Iuvenalis funesta illa diva templo nondum habitabat : hodie
v. templum fit omnis locus in quo illa latet atque reconditur : Ille hoc saltem
