Brant, page 203.

Legatus ille noster ad Batavos Dom. Thuanus, filius est Clarissimi Viri D. Jacobi Augusti Thuani, in Senatu Parisiensi Præsidis insulati, qui obiit anno 1617. qui cum esset vir præstantissimus ac eruditissimus, sui temporis historiam conscripsit Latinam, stylo elegantissimo, quinque tomis editam Genevæ : est autem hæc editio omnium optima.

Fratrem habuit legatus ipse majorem natu, dictum Franciscum Augustum Thuanum, Comitem Consistorianum, qui Lugduni ad Ararim obiit anno 1642. 12. Sept. jussu cardinalis Richelii, pessimi et nequissimi Tyranni, qui utinam summo totius Europæ commodo, eodem ipso die quo natus est, infelicem animam exhalasset.

A sex mensibus hic obierunt quatuor ex Collegis nostris ciri præstantissimi, D. Car. Guillemeau, Renatus Moreau, Carolus Le Clerc, et Joannes Riolanus. Vale, et me reda-

Brant, page 204

mantem, quod egregie facis, amare ne desine.

29. Martii, 1657.