Ms BIU Santé no 2007, fo 176 vo.
De Cataracta, ejus natura et curatione, nihil aliud sentio supra vulgus
Anatomicorum et Medicorum : insolita illa novitatis prurigina, quæ
hodie viget in scholis Medicorum, numquam laboravi : hoc inter alia debeo
colendissimis Præceptoribus meis, quorum manibus, etiam sæpius bene precor ;
illi fuerunt viri maximi, Nic. Pietreus, Io. Riolanus, Andreas du-
Chemin, et Renatus Moreau : ad eorum pedes institutus, et optimis præ
ceptis imbutus, rejecto novitatis studio, principibus Artis Medicæ viris,
Hippocrati, Galeno, Fernelio, fortiter adhæsi, eorúmque placita quantum
potui, firmiter amplexus sum, nec pœnitet : eorum Medendi Methodus
in Operibus Artis mihi numquam imposuit, et feliciter successit, per
legitimam diætam, venæ sectionem et purgationem, ex paucis, sed
probatis 2 remedijs 1 et selectis institutam : vincat igitur Galenus,
vincat veritas, posthabitis omnibus Novatorum strophis ac imposturis.
Inquiram tamen de tua Quæstione, et si quid utile super ea deprehendamero,
ad Te scribam. Interea quæso, Vir Cl. vale, et me ama. Parisijs, 6. Sept.
1664.
Tuus ex animo, Guido Patin.
