Ms BIU Santé no 2007, fo 205 ro.
Cl. viro D. Io. Theodoro Schenkio, Medicinæ Doctori, etc. Ienam.
Amicus noster D. Elsnerus, Vir Cl. tuam mihi reddidit heri in egressu Scholæ
nostræ regiæ, post expositionem à me factam aph. 22. sect. i. in qua conclusi, in
morborum acutorum initijs numquam esse purgandum, aut quam rarissimè : et magna
in veneratione à junioribus Medicis habendum esse ipsum aphorismum, quem Galenus ipse, in ad
faciendam Medicinam ex arte et methodo, oraculum esse pronuntiavit. Verùm, ad suavissimam tuam redeo, Vir Cl.
pro qua Tibi gratias ago quam possum maximas. Nihil habeo mecum quod Tibi offeram
præter quasdam Theses Medicas, quas ad Te mittam : librum nullum scripsi, duplici de
causa : prima est defectus eruditionis, απαιδευσια, scis quid velim : neq. enim omnibus datum est
